މާރާމާރީއެއްގައި ހަތަރު މީހަކަށް އަނިޔާ ވެއްޖެ

ވިލިމާލޭގައި މިއަދު ހިންގި މާރާމާރީއެއްގައި ހަތަރު މީހަކަށް އަނިވެފައިވާ ކަމަށް ފުލުހުން ވިދާޅުވެއްޖެވެ.

ފުލުހުންވިދާޅުވީ އަނިޔާވި މީހުންނަށް ފަރުވާ ދިނުމަށް ހޮސްޕިޓަލަށް ގެންގޮސްފައިވާ ކަމަށެވެ. އެމީހުންނަށް ލިބިފައިވާ އަނިޔާގެ މައުލޫމާތެއް ފުލުހުން ހާމަކޮށްފައެއް ނުވެއެވެ.

މިއީ ދެ ގްރޫޕެއްގެ ދެމެދުގައި ހިނގި މާރާމާރީއެކެވެ. ވިލިމާލޭ، ކަނދޮޅުމާގޯޅީގައި ހިންގި މާރާމާރީގެ މަޢުލޫމާތު ފުލުހުންނަށް ލިބިފައިވަނީ މިއަދު  15:12 އެހައިކަންހާއިރު ކަމަށް ފުލުހުން ވަނީ ވިދާޅުވެފައެވެ.

މާރާމާރީގައި އަނިޔާވެގެން ހޮސްޕިޓަލަށް ގެންގޮސްފައިވަނީ 18 އަހަރުގެ މީހަކާއި، 27 އަހަރުގެ މީހަކާއި، 31 އަހަރުގެ މީހަކާއި 22 އަހަރުގެ މީހެއް ކަމަށް ފުލުހުން ވިދާޅުވިއެވެ. މި 4 މީހުންނަކީ ވެސް ދިވެހީންނެވެ.

 މި މައްސަލަ ތަހުގީގު ކުރަމުންދާ ކަމަށް ފުލުހުން ވިދާޅުވިއެވެ.