އެމެރިކާގެ އަސްކަރިއްޔާގެ ހިމާޔަތާއި ރައްކާތެރިކަމުގެ ދަށުން ހޮރްމޫޒް ކަނޑުއޮޅި ހުރަސް ކުރާ އުޅަނދުފަހަރުން 20 ޕަސެންޓްގެ ފީއެއް ނެގުމަށް އެމެރިކާގެ ރައީސް ޑޮނަލްޑް ޓްރަމްޕް ރާވާފައިވާ ރޭވުމަކީ "ކަނޑުފޭރުން" ކަމުގައި ބްރެޒިލްގެ ރައިސް ލޫލާ ޑަސިލްވވާ ވިދާޅުވެއްޖެއެވެ. މިވަރުގެ ފީއެއް ނަގާނޭ ކަމަށް ޓްރަމް އިޢުލާން ކުރުމުން ލޫލާ ވިދާޅުވީ "އޭރު އެއަށް ކިޔަނީ ކަނޑުފޭރުން" ކަމަށެވެ.
ބްރެޒިލްގެ ރައީސް ވިދާޅުވީ އެމެރިކާއަކީ ޒަމާނުއްސުރެން ކަނޑުފޭރުމާ ދެކޮޅަށްހަނގުރާމަ ކުރަމުން އަންނަ ގައުމެއް ކަމަށެވެ. އެފަދަ ގައުމަކުން ދެން ކަނޑުފޭރޭ ގައުމަކަށް ބަދަލުވުން ގަބޫލް ކުރަން ދަތި ކަމަށް ވެސް ވިދާޅުވިއެވެ.
މިކަމާ ބެހޭ ގޮތުން ވާހަކަފުޅު ދައްކަވަމުން ލޫލާ ވިދާޅުވީ ވައިޓް ހައުސް އިން މަސައްކަތް ކުރަނީ އެހެން މީހުންގެ ތަކުލީފުތަކުން ފައިދާ ނެގުމަށް ކަމަށެވެ. މީގެ އިތުރުން އެނާ ވިދާޅުވީ ޓްރަމްޕް އީރާނާ ދެކޮޅަށް ހަނގުރާމަ ފެށުމުގެ ކުރިން ހޮރްމުޒު ކަނޑުއޮޅިއަކީ ބައިނަލްއަގުވާމީ ކަނޑު ދަތުރުފަތުރަށް ހުޅުވާލެވިފައި އޮތް ސަރަހައްދެއް ކަމަށެވެ. ނަމަވެސް މިހާރު އެކަނޑުއޮޅި ބޭނުންކުރާތީ އެސަރަހައްދުން ދަތުރުކުރާ ބޯޓުފަހަރުން ފީއެއް ނަގައިގެން ނުވާނޭ ލޫލާ ވަނީ ވިދާޅުވެފައެވެ.
އެމެރިކާ އާއި އިޒްރޭލުން އީރާނާ ދެކޮޅަށް ހަނގުރާމަ ފެށީ މިއަހަރު ފެބްރުއަރީ މަހުގެ 28 ވަނަ ދުވަހު އެވެ. އެއާއެކު އީރާނުން ވަނީ ހޮރްމޫޒް ކަނޑުއޮޅީގެ ކޮންޓްރޯލް ހޯދައިފައެވެ.
