ށ. އަތޮޅު ކަނޑުގެ ސަރަހައްދުގައި މަހަށް ނުކުމެއުޅުނު ދޯންޏަކުން ފީނަން ފޭބި ޒުވާނަކު ނިޔާވެއްޖެއެވެ.
ނިޔާވެފައިވަނީ ރ. ދުވާފަރު، ލިލީމާގެ، މުޙައްމަދު ޝައްފާނެވެ. އޭނާގެ ޢުމުރަކީ 30 އަހަރު ކަމަށް ފުލުހުން މައުލޫމާތު ދެއްވާފައިވެއެވެ. އެމީހާ ނިޔާވެފައިވަނީ ފީނުމަށްފަހު ދޯންޏަށް ވެސް އެރިފަހުން ހާލު ދެރަވެގެން ކަމަށް ފުލުހުން ވިދާޅުވިއެވެ.
އެ ދޯންޏަކީ ރ. ދުވާފަރު ދޯންޏެކެވެ. އެމީހާ ފީނުމަށްފަހު ދޯންޏަށް އެރިކަމަށް ފުލުހުން ވިދާޅުވެފައިވެއެވެ. އެފަހުން ހާލު ދެރަވެގެން ށ. މަރޮށި ސިއްހީ މަރުކަޒަށް ގެންދިޔައެވެ. ސިއްހީ މަރުކަޒަށް ގެންދިޔައިރު ވެސް އެމީހާ ވަނީ ނިޔާވެފައި ކަމަށް ސިއްހީ މަރުކަޒާ ހަވާލާދީ ފުލުހުން ވިދާޅުވެފައިވެއެވެ.
މި މައުލޫމާތު ލިބުނީ 2026 ސެޕްޓެމްބަރު 22 ވަނަ ދުވަހުގެ 15:20 އެހައިކަންހާއިރު ކަމަށް ވެސް ފުލުހުން ވިދާޅުވިއެވެ. ފުލުހުން މިހާރުވަނީ މިމައްސަލަ ބަލަން ފަށައިފައެވެ.
