އެމީހާ ވޯޓަރ ބްރޭކް ވަގުތު ދިޔައީ އެއްގަމަށް އަރަން ކަމަށެވެ. އެއް ގަމަށް އަރަން ގޮސްގޮސް ހުއްޓާ ނޭވާލާން އުނދަގޫވާކަމަށް އެމީހާ ބުނި ކަމަށް ފުލުހުން ވިދާޅުވެފައިވެއެވެ. އެހިސާބުން އޭނާއަށް ފަރުވާ ދިނުމަށް އެރަށު ހެލްތު ސެންޓަރަށް ގެންދިޔަ ކަމަށް ފުލުހުން މައުލޫމާތު ދެއްވާފައިވެއެވެ.
ހެލްތު ސެންޓަރުގައި ފަރުވާދެމުން ދަނިކޮށް، އެމީހާ ނިޔާވެފައިވަނީ 18:14 އެހައިކަންހާއިރު ކަމަށް ހެލްތު ސެންޓަރުން ފުލުހުންނަށް މައުލޫމާތު ދެއްވި ކަމަށް ފުލުހުން ވަނީ ވިދާޅުވެފައެވެ. ނިޔާވެފައިވަނީ 39 އަހަރުގެ ދިވެހި އަންހެނެކެވެ.
އެމީހާގެ ހަށިގަނޑު މާލެ، އައިޖީއެމް ހޮސްޕިޓަލަށް ގެނެސް މެޑިކަލް އެގްޒެމިނޭޝަންއެއް ހެދުމަށްފަހު ރޭ ދަންވަރުގެ ވަގުތެއްގައި ހަށިގަނޑުވަނީ އާއިލާއާ ހަވާލުކޮށްފައި ކަމަށް ފުލުހުން ވަނީ ވިދާޅުވެފައެވެ.
މި މައްސަލައާ ގުޅިގެން އިތުރަށް ބަލަންޖެހޭ ކަންކަން ފުލުހުން ދަނީ ބަލަމުންނެވެ.
