"މި ނިންމުމަކީ ކަރަންޓުގެ ޚިދުމަތް މެދުކެނޑުމުގެ ސަބަބުން އާންމު ރައްޔިތުންނަށް ދިމާވާ ދަތި އުނދަގޫތަކުން ސަލާމަތްކޮށް، ޚިދުމަތުގެ ފެންވަރު ދެމެހެއްޓެނިވި ގޮތެއްގައި ފޯރުކޮށްދިނުމުގެ މަގުސަދުގައި ނިންމާފައިވާ ނިންމުމެއް،" ސްޓެލްކޯއިން ވިދާޅުވެފައިވެއެވެ.
މަގު ކޮނުމުގެ އެކި މަސައްކަތް ކުރަމުންދާއިރު ސްޓެލްލކޯގެ ކަރަންޓު ވިއުގައިގައި ހިމެނޭ ކޭބަލްތަކަށް، ގެއްލުންވެ، ކަރަންޓުގެ ޚިދުމަތް މެދުކެނޑެމުންދާ ކަމަށް އެކުންފުނީން ވިދާޅުވެފައިވެއެވެ. މީގެ ސަބަބުން ރައްޔިތުންނަށް އެތަކެއް ތަކުލީފުތަކަކާއި ދަތިތަކަކާ ކުރިމަތިލާންޖެހިފައިވާ ކަމަށް ސްޓެލްކޯއިން ވަނީ ވިދާޅުވެފައެވެ. މިފަދަ ހާދިސާތައް ދުވަހެއް ދުވަހަކަށް އިތުރުވަމުންދާ ކަމަށް ވެސް އެކުންފުނީން މައުލޫމތު ދެއްވާފައި ވެއެވެ.
މަގު ކޮނުމުގެ ތެރޭގައި ކަރަންޓު ކެންޑިއްޖެ "ޙާލަތެއްގައި، އެ ފަރާތެއް ޒިންމާދާރު ކުރުވައި، އެ މައްސަލަ ހައްލުކޮށް އަލުން ޚިދުމަތްދޭން ހިނގާ ޚަރަދު އެ ފަރާތުން ނެގުމަށް މި ކުންފުނިން ވަނީ ނިންމާފައި،"
އެހެންކަމުން، މަގު ކޮނުމުގެ އެންމެހާ މަސައްކަތްތަކެއް ކުރިއަށްގެންދާ ހުރިހާ ފަރާތްތަކުންވެސް ސްޓެލްކޯގެ ކަރަންޓު ވިއުގައަށް ގެއްލުން ނުވާނެހެން ޒިންމާދާރުކަމާއެކު މަސައްކަތްތައް ރާވައި ކުރިއަށްގެންދިއުމަށް އިލްތިމާސްކުރައްވާ ކަމަށް އެކުންފުނީން ވަނީ ވިދާޅުވެފައެވެ.
