މި އެއްބަސްވުމުގެ ދަށުން ކުރިއަށް ގެންދިއުމަށް ހަމަޖެހިފައިވަނީ ގްލޯބަލް އެންވަޔަރަންމަންޓް ފެސިލިޓީ (ޖީ.އީ.އެފް) ގެ އެހީގައި ހިންގުމަށް ހަމަޖެހިފައިވާ މަޝްރޫޢުތަކެއް ކަމަށް ތިމާވެށްޓާ ބެހޭ ވުޒާރާއިން ވިދާޅުވެފައިވެއެވެ. މީގެ މައިގަނޑު ބޭނުމަކީ ރާއްޖޭގެ ދިރުންތަކުގެ ނަސްލުތައް ހިމާޔަތްކުރުމާއި ތިމާވެށި ރައްކާތެރިކުރުމުގެ ޤައުމީ ސިޔާސަތުތައް އިތުރަށް ހަރުދަނާކުރުން ކަމަށް ވެސް ވިދާޅުވެފައިވެއެވެ.
މި މަޝްރޫޢުގެ ދަށުން މައިގަނޑު ގޮތެއްގައި ކުރުމަށް ހަމަޖެހިފައިވާ ކަންކަމުގެ ތެރޭގައި:
1- ރާއްޖޭގެ 'ނެޝަނަލް ބަޔޯޑައިވަރސިޓީ ސްޓްރެޓެޖީ އެންޑް އެކްޝަން ޕްލޭން' މުރާޖަޢާކޮށް، ޒަމާނާ އެއްގޮތަށް އަދާހަމަކުރުން.
ކޮންވެންޝަން އޮން ބަޔޮލޮޖިކަލް ޑައިވަރސިޓީ (ސީ.ބީ.ޑީ) އަށް ރާއްޖެއިން ހުށަހަޅަންޖެހޭ 7 ވަނަ ޤައުމީ ރިޕޯޓު ތައްޔާރުކުރުން.
2- ތިމާވެށީގެ ދިރުންތައް ހިމާޔަތްކުރުމަށް ބޭނުންވާ މާލީ ވަސީލަތްތައް ހޯދުމާއި ދެމެހެއްޓެނިވި ގޮތެއްގައި އެކަންކަން ކުރިއަށް ގެންދިއުމަށް 'ބަޔޯޑައިވަރސިޓީ ފައިނޭންސިންގ ޕްލޭން' އެކުލަވާލުން.
3- މި އެއްބަސްވުމަކީ ރާއްޖޭގެ ނާޒުކު ތިމާވެށި ރައްކާތެރިކޮށް، ދުނިޔޭގެ ފެންވަރުގައި ތިމާވެއްޓަށް ގެންނަންޖެހޭ ހެޔޮ ބަދަލުތަކަށް އެއްބާރުލުން ދިނުމުގެ ގޮތުން ދިވެހި ސަރުކާރުން ކުރަމުންދާ މަސައްކަތްތަކަށް ލިބުނު މުހިންމު ކުރިއެރުމެކެވެ.
