އެޗުޑީސީގެ ތަހުގީގާ މައުރޫފާއި، ސުޖާއު މަޝްވަރާ ކޮށްފި

މިހާރު ކުރިއަށްދާ، ގެދޮރުވެރިޔާ އަދި ބިންވެރިޔާ ސްކީމާ ގުޅޭގޮތުން ހިނގަމުންދާ ތަހުގީގާ ބެހޭގޮތުން އެޗުޑީސީގެ މެނޭޖިން ޑިރެކްޓަރ މައުރޫފް ޖަމީލާއި، ޕޮލިސް ކޮމިޝަނަރު އަލީ ސުޖާއާ ދެބޭފުޅުން މިއަދު މަޝްވަރާ ކުރައްވައިފިއެވެ. މި މަޝަވަރާ ކޮށްފައިވަނީ މި ދެބޭފުޅުން މިއަދު ބޭއްވި ބައްދަލުވުމެއްގައެވެ. ފުލުހުން ވިދާޅުވީ މި ދެބޭފުޅުން މިއަދު ބޭއްވި ބައްދަލުވުމަކީ އެޗްޑީސީގެ މެނޭޖިންގ ޑިރެކްޓަރުގެ މަގާމާ މައުރޫފް ޖަމީލް ހަވާލުވެވަޑައިގަތުމަށްފަހު ތައާރަފު ވުމުގެ ގޮތުން ބޭއްވެވި ބައްދަލުވުމެއް ކަމަށެވެ. މިބައްދަލުވުގައި ކުރެވުނު މަޝްވަރާގެ ތަފްސީލެއް ފުލުހުން ދެއްވާފައެއް ނުވެއެވެ.