ޓްރާންސްފޯމަރު ވަގު: ރެންޗު ހަމަލާ ސްޓެލްކޯ މުވައްޒަފުގެ ބޮލަށް

ހުޅުމާލޭގެ ޓްރާންސްފޯމަރަކަށް ގެއްލުންދީ އެއިން ވައްކަން ކުރަން އުޅުނު މީހަކު އަތުލައިގެންފިއެވެ. ސްޓެލްކޯގެ މެނޭޖިން ޑިރެކްޓަރ ހުސައިން ފަހުމީ ވިދާޅުވެފައިވަނީ އެމީހާ އަތުލައިގެންފައިވަނީ ސްޓެލްކޯގެއް މުވައްޒަފުން ކަމަށެވެ. އެމީހާ އަތުލައިގަތުމަށް ސްޓެލްކޯ މުވައްޒަފު ދިޔުމުން ވައްކަންކުރި މީހާވަނީ އެތަނަށްދިޔަ މުވައްޒަފުގެ ގައިގައި ރެންޗަކުން ޖަހައި މާރާމާރީ ހިންގާފައި ކަމަށްވެސް ފަހުމީ ވަނީ ވިދާޅުވެފައެވެ. އެމީހާ މިހާރުވަނީ ފުލުހުންނާ ހަވާލު ކޮށްފައެވެ. ޓްރާންސްފޯމަރަށް ގެއްލުންދިނުމުން ހުޅުމާލޭ ދެވަނަ ފިޔަވަހީގެ އެމްޕީއެލް ޓަވަރުތަކުން ވަނީ ކަރަންޓުގެ ހިދުމަތް މެދުކެނޑިފައެވެ. ކަރަންޓުގެ ހިދުމަތް މެދުކެނޑިފައިވާ ޓަވަރުތަކަށް ވީ އެންމެ އަވަހަކަށް ކަރަންޓު ދިނުމުގެ މަސައްކަތް ދަނީ ކުރެވެމުން ކަމަށްވެސް ފަހުމީ ވިދާޅުވެފައިވެއެވެ.