ބައެއް ސަރަހައްދުތަކަށް ވައިޓް އެލާޓް ނެރެފި

ހއ. އަތޮޅުން ފެށިގެން ތ. އަތޮޅާ ހަމައަށް ވައިޓް އެލާޓް ނެރެފިއެވެ. މޫސުމާބެހޭ އޮފީހުން މިއެލާޓް ނެރެފައިވަނީ ހެނދުނު ހަތަކުން މެންދުރުފަހު އެއްގަޑި ބަޔަށެވެ. މޫސުމާ ބެހޭ އޮފީހުން ވިދާޅުވެފައިވަނީ މި ސަމާލު ނެރުނީ ގަޑިއަކު 19 މޭކާއި 24 މޭލޭ ދެމެދު ވައިގަދަވާނޭ ކަމަށް ލަފާކުރެވޭތީ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނޭ ކަމަށް ވެސް ލަފާ ކޮށްފައިވެއެވެ. ރާއްޖޭގެ ކަނޑުތައް ގަދަވާނޭ ކަމަށްވެސް އެ އޮފީހުން ވަނީ ލަފާ ކޮށްފައެވެ.