ތ. އަތޮޅުން ފެށިގެން އައްޑޫސިޓީއާ ހަމައަށް ހުދުސަމާލު ނެރެފިއެވެ.

މެޓުއޮފީހުން ވިދާޅުވީ ސަމާލު ނެރެފައިވަނީ މިއަދު ހެނދުނު 10:00 އިން ފެށިގެން ހަވީރު 4:00 އަށް ކަމަށެވެ. މިވަގުތުގައި ބޯކޮށް ވާރޭވެހޭނެ ކަމަށާއި އަދި ގުގުރާނޭ ކަމަށް ލަފާ ކުރެވޭ ކަމަށް މެޓުން ވަނީ ވިދާޅުވެފައެވެ. ވިލާގަޑުގައި 45 މޭލަށް ވައިގަދަވާނޭ ކަމަށް ލަފާކުރައްވާފައި ވެސް ވެއެވެ.

މިއީ ރާއްޖޭގެ ބައެއް ހިސާބުތަކަށް ވިއްސާރަ ދުވަސް ކޮޅެކެވެ. އެހެން ކަމުން ކަނޑުދަތުރު ކުރުމުގައި ސަމާލުވާންޖެހެއެވެ.