އިރާގު ވެރިރަށް ބަޣުދާދުގައި ހުންނަ އެމެރިކާ އެމްބަސީއަށް ޙަމަލާދީފިއެވެ. މި ހަމަލާދީފައިވަނީ އީރާނުގެ ކުރީގެ އެންމެމަތީވެރިޔާ އަލްމަރޫޙޫމް، އާޔަދުﷲ ޢަލީ ޚާމަނާއީގެ ސަޕޯޓަރުންނެވެ.
އެމީހުންދަނީ ބަޣުދާދުގައި އެމެރިކާއާ ދެކޮޅަށް މުޒާހަރާކޮށް އަޑު އުފުލަމުންނެވެ. މުޒާހަރާގެ ބައިވެރިން ދަނީ ސެކިއުރިޓީ ފޫއަޅުވާލައި، ވަދެ ހިލަ ބޭނުންކޮށްގެން ބަޣުދާދުގެ ސަލާމަތީ ޚިދުމަތްދޭ ފަރާތްތަކާ ކުރިމަތިލަމުންނެވެ.
މި ހަމަނުޖެހުންތައް ބޮޑުވުމުން ސިފައިންވަނީ މުޒާހަރާގެ ބައިވެރީންނާ ދެކޮޅަށް ކަރުނަ ގޭސް ޖަހައި ގޭހުން މުޅި ޖައްވު ފުރުވާލައިފައެވެ. މިއީ އެމެރިކާ އާއި އިޒްރޭލުގެ ވައިގެ ހަމަލާއެއްގައި ޚާމަނާއީ އަވަހާރަވުމާ ގުޅިގެން މެދުއިރުމައްޗާއި އޭޝިއާގެ އެކި ގައުމުތަކުގައި މިހާރު ހިނގަމުންދާ މުޒާހަރާތަކުގެ ތެރެއިން ކުރިއަށް ގެންދާ މުޒާހަރާއެކެވެ.
ޚަމާނާއީ ޝާހީދުކޮށްލުމުން އެކަމުގެ ބަދަލު ހިފާނޭ ކަމުގެ އިންޒާޒު އީރާނުންވަނީ އެމެރިކާއި އިސްރާއީލަށް ދީފައެވެ. މިއިންޒާއެކު އެމެރިކާގެ ރައީސް ޓްރަމްޕް ވިދާޅުވެފައިވަނީ ބަދަލު ނުހިފުމަށާއި އެފަދަ ކަމެއްކޮށްފިނަމަ ދެން އީރާން ކުރިމަތިލާންޖެހޭ ވޭންތައް ބޮޑުވާނޭ ކަމަށެވެ. އީރާނުގެ އިންޒާރާއެކު އެމެރިކާ މިހާރުވެސް އޮތީ އެންމެ މަތީ އެލާޓުގައެވެ.
