ދެ ފަރާތުގެ ހަނގުރާމަވެރިން އެކަކު އަނެކަކާ ކުރިމަތިލައިގެން ހަނގުރާމަކުރާން އިސްރާއީލުގެ ސިފައިން ނުކުޅެދުންތެރިވެފައިވާ މިންވަރު އެއުރެންނަށް ވިސްނޭބާވައެވެ؟

އިސްރާއީލުގެ ބައެއް މީހުންނަށް މިކަން ވިސްނުނު ނަމަވެސް އިސްރާއީލުގެ އާންމުންގެ ތަޞައްވުރު މިކަމުގައި ހުރީ މުޅިން އެހެން ގޮތަކަށެވެ. ޢާންމުން ހީކުރާ ގޮތުގައި ޔަހޫދީންނަކީ، މުޅި ދުނިޔޭގެ ވެރިކަންކުރި ބަޔެކެވެ. މުޅި އިންސާނީ ތާރީޚުގައި ލީޑިންގ ރޯލު އަދާކުރިބަޔަކީ، ޔަހޫދީންނެވެ. އެމީހުން ހީކުރާ ގޮތުގައި އެމީހުންނަކީ، މަތަނުކުރެވޭނެ ނަގޫރޯޅިއެއް ފަދަ ވަރުގަދަ ބަޔެކެވެ. އެންމެހައި އިންސާނުންގެ މައްޗަށް ވެރިކަން ކުރުމަށް މާތްالله ޚިޔާރު ކުރެއްވި ބައެކެވެ. މިއީ ނާޒީންގެ ނަސްލީ ތަފާތުކުރުމާއި ފާޝިސްޓް ކިބުރުވެރިކަމާ ތަފާތުނުވާ ނަސްލީ ތަފާތުކުރުމުގެ ވައްތަރެކެވެ. މި ލޯކަނު ކިބުރުވެރިކަމަކީ، އިސްރާއީލު ހަލާކާ ދިމާއަށް ގެންދާނެ ސަބަބެއްކަން ޔަޤީނެވެ.

މިހާރު އިޒުރޭލު ހަނގުރާމައެއް ކުރާނަމަ، ދުނިޔޭގެ ބޮޑެތި ބާރުތައް އޮންނަނީ އިޒުރޭލާ އެއްކޮޅަށެވެ. ވީމާ އެކަނި ހަނގުރާމައަކާ ކުރިމަތިލާން ޖެހިއްޖެނަމަ، ވާނެގޮތަކާ މެދު އެބައިމީހުން ނުވިސްނައެވެ. އެބައިމީހުންގެ ނަޒަރުގައި ދުނިޔެ އޮންނަންވާނީ، އެބައިމީހުންގެ މަޤްޞަދުތައް ހާސިލުކޮށްދިނުމަށް އެބައިމީހުންގެ ޚިދުމަތުއެވެ. އެހެންކަމުން ޒަޔަނިޒަމް ރާވަމުންދަނީ މުޅި ދުނިޔޭ ގައި މުސްލިމުންނާ ދެކޮޅަށް ހަނގުރާމައިގެ އަލިފާން ރޯކޮށް، މުސްލިމުން ދުނިޔެއިން ފޮހެލުމަށެވެ. ފަހު ޒަމާނުގައި މަސީޙު ފާޅުވެއްޖައުމަށް ދާންދެން، މުސްލިމުންގެ ލޭގެ ކޯރުތައް ހިންގައިލުމަށެވެ. ”އާމަގޭޑޯން“ ކިޔާ ފިތުނައަކަށް ދުނިޔެ ވައްޓާލުމަށެވެ.

”އާމަގޭޑޯން“ އަކީ، ފަހުޒަމާނުގައި މުސްލިމުންނާ ދެކޮޅަށް ޞަލީބީ ހަނގުރާމަވެރިން ހިންގާނެ ޤަތުލުޢާންމަކަށް ކިޔާނަމެކެވެ. މަސީޙު ވަޑައިގަންނަވާނީ، މި ހާލަތު މެދުވެރިވުމުންނެވެ.

(ޔަހޫދީން ޤަބޫލުކުރާ ގޮތުގައި ކުރިން އިސްވެދިޔަ ޒަމާނުގައި ވަޑައިގެންނެވީ، މަސީޙެއް ނޫނެވެ.) އެމީހުންގެ އާދައިގެމަތިން ޔަހޫދީން ވަނީ، މި ރިވާޔަތް ބައިބަލަށް އިތުރުކޮށްފައެވެ. އަދި ނަސާރާއިން ވަނީ، މި ރިވާޔަތް ބަލައިގެންފައެވެ. އެމެރިކާގެ ކުރީގެ ރައީސް ރޮނަލްޑް ރޭގަން ވެސް މި ރިވާޔަތަށް އީމާންވެ އޭނާގެ ވާހަކަތަކުގައި މި ރިވާޔަތް ވަރަށް ގިނައިން ގެންނަވައެވެ.

ހަގީގަތުގައި ޔަހޫދީން މިހާރު ދަތުރުކުރަމުން އެދަނީ އެބައިމީހުންގެ ނިމުމާ ދިމާއަށެވެ.