އަބަދުވެސް ހުންނަވަނީ ފުވައްމުލައް ސިޓީއަށް ޚިދުމަތް ކޮށްދެވުމުގައި ކަމަށް އެ ސިޓީގެ މޭޔަރު ކަމަށް ދެވަނަ ދައުރަކަށް އިންތިޚާބު ވެފައިވާ އިސްމާޢީލް ރަފީގު ވިދާޅުވެއްޖެއެވެ.
ވަރުގަދަ ގޮންޖެހުންތައް ބޮޑު ކެންޕޭނަކަށްފަހު އިސްމާޢިލް އިންތިޚާބު ކާމިޔާބު ކުރެއްވީ ހިތްތިރިކަމާއި މަޑުމައިތިރިކަން އިސްކުރައްވައި ރައްޔިތުންނަށް ހަގީގަތް ހާމަކޮށްދެއްވަމުންނެވެ.
ދެވަނަ ދައުރަކަށް އިންތިޚާބު ކޮށްދެއްވީތީ އިސްމާޢީލް ވަނީ ފުވައްމުލައް ސިޓީގެ ހުރިހާ ރައްޔިތުންނަށް ޝުކުރު އަދާ ކުރައްވައިފައެވެ. ”އަޅުގަނޑަށް އިތުބާރުކޮށް ކުރިއަށްއޮތް ފަސް އަހަރަށް ވެސް މޭޔަރުކަމުގެ ޒިންމާ ހަވާލުކުރުމަކީ އަޅުގަނޑަށް ލިބުނު އުފަލެއް އަދި ހިއްވަރެއް،“ އިސްމާޢީލް ވިދާޅުވެފައިވެއެވެ.
”މާތް الله ގެ އިރާދަފުޅުއާއެކީ ތެދުވެރިކަމާއި އިޚްލާސްތެރިކަމާއެކީ، ރަށަށް ޚިދުމަތް ކޮށްދިނުމުގައި ހުންނާނޭ ކަމުގެ ޔަގީންކަން ފުވައްމުލަކު ރައްޔިތުންނަ ދެން،“ އިސްމާޢީލް ވިދާޅުވެފައިވެއެވެ.
މޭޔަރު ކަމުގެ ގޮނޑީގެ އިތުރުން އެމްޑީޕީ ވަނީ ފުވައްމުލައް ސިޓީގެ އިތުރު ހަތް ގޮނޑި ކާމިޔާބުކޮށްފައެވެ.
