ޗައިނާގައި އަޅުކަން ކުރާ ތަންތާނގައިވެސް ޗައިނާ ރައީސްގެ ފޮޓޯފުޅު ބެހެއްޓުމަށް އަންގައި އެކަން ތަންފީޒު ކުރަން ފަށައިފިއެވެ. ބިޓާވިންޓާއިން ރިޕޯޓު ކުރިގޮތުގައި އަންހުއީ ޕްރޮވިންސްގައި ފައްޅިތަކުގެ މަތީގައިއާއި ދޮރުގައި ހުންނަ ސޮލީބުތައް ނެގުމަށް ވަނީ އަންގާފައެވެ. އަދި އެތެރޭގައި ސޮލީބު ބެހެއްޓުމުގެ ބަދަލުގައި ބަހައްޓަން ވާނީ ރައީސް ޝީގެ ފޮޓޯފުޅެކެވެ.
މިއީ މީގެ ކުރިން ޝިންޖިއާންގައި މިސްކިތްތަކުގެ ގުއްބުތަކާއި މުންނާރުތައް ތަޅާލުމަށް ހިންގި ފަދަ މަސައްކަތެކެވެ. ޝިންޖިއާންގެ މިސްކިތްތަކުގައިވެސް ކޮމިއުނިސްޓް ޕާޓީގެ ނިޝާނާއި ޝީގެ ފޮޓޯ ބަހައްޓަން އަންގާފައި ވެއެވެ.