އިންޑިއާގެ އަންދްރާ ޕްރަދޭޝްގައި ޤުދުރަތީ ވަސީލަތްތައް ބޭނުންކޮށްގެން ދަނޑުވެރިކަން ކުރާ ގޮތް އެމެރިކާގެ ވަފްދަކުން ދިރާސާ ކުރަން ފަށައިފިއެވެ. ދެ މެމްބަރުންގެ މި ވަފްދުގައި ހިމެނެނީ، ޕްރޮޑިއުސަރސް ޓްރަސްޓްގެ ސީއީއޯ އަދި ކޯ ފައުންޑަރ ކޭތު އަގޯޑާ އާއި ޕެގަސަސް ކެޕިޓަލް އެޑްވައިޒަރސް ގްރޫޕުގެ ކްރޭގް ގޯގުޓް އެވެ.
އެމެރިކާގެ ދެ މެމްބަރުންގެ ޓީމުން ޕަލްނާޑޫ ޑިސްޓްރިކްޓްގެ ދަނޑުވެރިންނަށް ޒިޔާރަތް ކޮށް އެމީހުންގެ ދަނޑުތައް ދިރާސާ ކުރެއެވެ. އެމީހުން ވަނީ އެ ހިސާބުގެ ދަނޑުވެރިން ގެންގުޅޭ ގުދުރަތީ ދަނޑުވެރިކަމުގެ އުކުޅުތަކާއި، ޚާއްސަކޮށް އަންހެނުންގެ އަމިއްލަ އެންޖީއޯ ގްރޫޕްތަކުން މަސައްކަތް އިންތިޒާމު ކުރާ ގޮތާ ބެހޭ މަޢުލޫމާތުވެސް ހޯދާފައެވެ. މި ޓީމުން ވަނީ ދެމެހެއްޓެނިވި އަދި ސައިންޓިފިކް ދަނޑުވެރިކަމުގެ އުސޫލުތައް ކުރިއެރުވުމުގައި އާންދްރާ ސަރުކާރުން ކުރާ މަސައްކަތަށް ތައުރީފުކޮށްފަ އެވެ.
