އިންޑިއާއިން ވަނީ އަސްކަރީ ޑިޕްލޮމެސީ ފުޅާކޮށް ބޭރުގެ ސިފައިންނާއެކު ސިލްސިލާ ޖޮއިންޓް ތަމްރީނުތަކެއް ކުރިއަށް ގެންގޮސްފައެވެ. އަދި ފުޅާ ދާއިރާއެއްގައި ސިފައިންގެ 3 ސާވިސްގެ ޑްރިލްތައް ވެސް ބާއްވާފައެވެ.

މި ސްޓްރެޓެޖިކް ލޮޅުމާއެކު އިންޑިއާއިން ވަނީ ސަރަހައްދީ ހަމަޖެހުން ގާއިމްކޮށް، ދިފާޢީ ޤާބިލުކަން އިތުރުކޮށް ބައިނަލްއަޤްވާމީ ނުފޫޒު އިތުރުކުރުމަށް ކުރާ މަސައްކަތް ކުރިއަށް ގެންގޮސްފައެވެ.

ފާއިތުވި މަސްތަކުގައި އިންޑިއާއިން ދުނިޔޭގެ ބައެއް ބާރުތަކާއެކު އަސްކަރީ ތަމްރީނު ކުރިއަށް ގެންގޮސްފައި ވެއެވެ. އެގޮތުން، އެމެރިކާ، ރަޝިޔާ، ފްރާންސް، ޖަޕާން، އަދި އޮސްޓްރޭލިއާ ފަދަ ގައުމުތަކާއެކު ފުލުފުލުގައި އަސްކަރީ ތަމްރީނުތަކެއް ކުރިއަށް ގެންދިޔައެވެ. މި ޖޮއިންޓް ޑްރިލްތަކަކީ ކައުންޓަރ ޓެރަރިޒަމް އަދި މެރިޓައިމް ސެކިއުރިޓީ އިން ފެށިގެން ހިއުމަނިޓޭރިއަން އެސިސްޓެންސް އެންޑް ޑިޒާސްޓަރ ރިލީފް ހިމެނޭ ފުޅާދާއިރާތަކެއްގެ ތަމްރީންތަކެވެ.

މި ތަމްރީނުތަކުގައި ބައިވެރިވެގެން އިންޑިއާގެ އަމާޒަކީ އަސްކަރީ އުކުޅުތައް ހަރުދަނާކޮށް ޑިފެންސް ސްޓްރެޓެޖީތައް އެހެން ގައުމުތަކާ އެއްގޮތްކޮށް، އެކުވެރި ގައުމުތަކާއެކު އަސްކަރީ ޕާޓްނަޝިޕްތައް ހަރުދަނާކުރުމެވެ.

ފާހަގަކޮށްލެވޭ އެއް މިސާލަކީ ޓެރަރިޒަމާ ދެކޮޅަށް މަސައްކަތްކުރުމާއި އާބަން ހަނގުރާމައަށް ފޯކަސްކޮށްގެން އެމެރިކާ އާއެކު އިންޑިއާއިން ކުރިއަށް ގެންދިޔަ ޔޫޑް އަބްޔާސް އެކްސަސައިޒެވެ. މި ޕްލެޓްފޯމްގެ މުހިންމުކަން ބޮޑުވެފައިވަނީ، ޓެރަރިޒަމްގެ ނުރައްކާ އިތުރުވަމުންދިއުމާ ގުޅިގެންނެވެ.

މީގެ އިތުރުން، މަލާބާރ އެކްސަސައިޒް ގައި އިންޑިއާ، އެމެރިކާ، ޖަޕާން، އަދި އޮސްޓްރޭލިއާ ބައިވެރިވާ ކުއަޑްރިލެޓަރަލް މެރިޓައިމް ޑްރިލްތައް  އިންޑޯ-ޕެސިފިކް ސަރަހައްދުގައި ޑިޓަރެންޓެއްގެ ގޮތުގައި ކުރިއަށް ގެންގޮސްފައި ވެއެވެ. ޗައިނާގެ ކަނޑުގެ ސިފައިންގެ ވަރުގަދަކަން އިތުރުވަމުންދާ ދަނޑިވަޅެއްގައި މިނިވަން އަދި ހުޅުވިފައިވާ ކަނޑުގެ މާހައުލެއް ބެއްވުމުގެ ނަމުގައި އިންޑިއާއާއި އެމެރިކާއިން މަސައްކަތް ކުރަމުން ދެއެވެ.

މި އެންގޭޖްމަންޓްތަކަކީ އެތައް  ގައުމެއްގެ މެދުގައި އިންޓައޮޕަރޭބިލިޓީ އިތުރުކޮށް، އިންޑިއާގެ ސިފައިންނަށް ޒަމާނީ ހަނގުރާމައިގެ އުކުޅުތަކާއި، އައު ޓެކްނޮލޮޖީތަކާއި، ޒަމާނީ ހަތިޔާރުތަކާ އެ ހަމައެއްގައި ދެމިތިބުމަށް މުހިންމު ކަންކަމެވެ.

އިންޑިއާގެ އީސްޓަން ކޮމާންޑް ގައި ދާދިފަހުން ކުރިއަށް ގެންދިޔަ ޓްރައި ސާވިސް އެކްސަސައިޒް ޕޫރްވީ ޕްރަހަރު ގައި ވަނީ އިންޓަގްރޭޓެޑް އަސްކަރީ ޤާބިލުކަމަށް ބާރުއަޅާފައެވެ. މި ފުރިހަމަ ޑްރިލްގައި ސިފައިންނާއި، ކަނޑުގެ ސިފައިން، އަދި ވައިގެ ސިފައިން އެއްކޮށް، ގުޅިގެން ތަމްރީންގައި ބައިވެރިވެފައި ވެއެވެ. އަދި އިރުމަތީ ސަރަހައްދުގެ ދާއިރާއަށް ކުރިމަތިވެދާނެ ނުރައްކާތައް ހައްލުކުރުމަށް، ވަކިން ޚާއްސަކޮށް ނާޒުކު ބޯޑަރުތަކާއި ގޮންޖެހުންތަކެއް ހުރި ހިމާލަޔާން ސަރަހައްދު ހިމާޔަތް ކުރުމަށް ތަމްރީން ކުރުން ހިމެނެއެވެ.

ޕޫރްވީ ޕްރަހާރު ވަނީ ގްރައުންޑް ކޮމްބަޓް އަދި އެއާ ސަޕޯޓް އިން ފެށިގެން އެމްފިބިއަސް މެނިއުވަރސް އާއި ހަމައަށް އަސްކަރީ އޮޕަރޭޝަންތަކެއް ޓެސްޓްކޮށްފައެވެ. އަދި ރެޕިޑް ޑިޕްލޮއިމަންޓާއި ސީމްލޭސް އިންޓަރ ސާވިސް ކޮމިއުނިކޭޝަން އަށް މިތަމްރީންތަކުގައި ފޯކަސްކޮށްފައި ވެއެވެ. މި ތަމްރީނުން ފާހަގަކޮށްލެވެނީ ބޯޑަރު ހުރަސްކޮށް އެއްވެސް ކަހަލަ އުދުވާނީ ހަމަލައެއް އައިސްފިނަމަ، އަވަހަށް ރައްދު ދިނުމަށް އިންޑިއާ ތައްޔާރަށް އޮތް ކަމެވެ.

މީގެ އިތުރުން އިންޑިއާގެ ފުރަތަމަ ޖައްވީ ދާއިރާއަށް ސަމާލުކަން ދީގެން ބޭއްވި އެކްސަސައިޒް އަންތަރިކްޝާ އަބްޔާސް އިން ޖައްވީ ހަނގުރާމައިގައި އިންޑިއާގެ ގާބިލްކަން ދައްކާލާފައި ވެއެވެ.

މިއީ ޖައްވީ ދާއިރާގައި އިންޑިއާގެ އެސެޓްތައް ރައްކާތެރިކުރުމަށް ސަމާލުކަން ފުޅާވަމުންދާކަން ހާމަކޮށްދޭ ކަމެކެވެ.

މި ސްޓްރެޓެޖިކް އަސްކަރީ ގުޅުންތަކުގެ ތެރެއިން އިންޑިއާއިން ސަމާލުކަން ދެނީ ހަމައެކަނި އަމިއްލަ ދިފާޢީ ޤާބިލުކަން އިތުރުކުރުމަކަށް ނޫނެވެ. އިތުބާރުކުރެވޭ ދިފާޢީ ބައިވެރިންނާއެކު ވެސް އިންޑިއާއިން ތަމްރީނުތައް ބާއްވައި ބައިނަލްއަގްވާމީ އިތުބާރު ހޯދަމުން ދެއެވެ.

ދިގުމުއްދަތުގެ އަސްކަރީ ގުޅުންތަކަށް އިންވެސްޓްކޮށްގެން އިންޑިއާއިން ދައްކައި ދެނީ ޖަމާޢަތުގެ ސަލާމަތާއި ރައްކާތެރިކަމަށް އިސްކަންދޭ މަލްޓިޕޯލާ ދުނިޔެއަކަށް އިންޑިއާ ތާއީދުކުރާ ކަމެވެ.

މި ޖޮއިންޓް އެކްސަސައިޒްތަކަކީ ބައިނަލްއަގްވާމީ އަސްކަރީ ޑިޕްލޮމެސީގައި އިންޑިއާގެ ދައުރު ބޮޑުވަމުންދާ ކަމުގެ ހެއްކެކެވެ.