ސަރުކާރުން ކުންފުނިތަކާއެކު ވެފައިވާ 9 ސެޓުލްމަންޓު އެއްބަސްވުން އެޓާނީ ޖެނެރަލް އޮފީހުން މިއަދު ބާތިލުކޮށްފިއެވެ.
އޭޖީ އޮފީހުން ބުނީ، 2022 ވަނަ އަހަރުގެ ޑިސެމްބަރ 28 ގައި ނެރެފައިވާ ނޯޓިސް ނަންބަރު 2022/ޖީ-42 އަށް ގެނެވުނު އިސްލާހުތައް ބާތިލުކުރަން ނިންމާފައިވާ ކަމަށެވެ.
މި ނިންމުން ނިންމާފައިވަނީ ރައީސުލްޖުމްހޫރިއްޔާގެ އޮފީހުން މި އަހަރުގެ ޖަނަވަރީ 21 ގައި އަންގާފައިވާ އެންގުމަކާ ގުޅިގެންނެވެ.
އަދި މިކަމާ ގުޅިގެން އޭޖީ އޮފީހުން ވަނީ ”އިސްލާހު ގެނައުމުގެ ނޯޓިސް“ ނަންބަރު 2023/12 ވެސް ނެރެފައެވެ. އޭޖީ އޮފީހުން އިތުރަށް ބުނީ މި އިސްލާހުތައް ބާތިލުކުރުމާ ގުޅިގެން، ކުރިން ވެފައިވާ އެއްބަސްވުންތަކުގެ މުއްދަތާއި އަގަށް ގެނެވުނު ބަދަލުތައް ވެސް ބާތިލުވެގެންދާނެ ކަމަށެވެ.
