އއ. ތޮއްޑޫގައި މަސައްކަތްކުރާ ތައިލެންޑުގެ އަންހެނަކަށް އަނިޔާ ކުރި މައްސަލައެއް ބަލަން ފަށައިފި ކަމަށް ފުލުހުން ވިދާޅުވެއްޖެއެވެ.
ފުލުހުންގެ ތަރުޖަމާނު އަހުމަދު ޝިފާން ވިދާޅުވީ އެ އަންހެން މީހާއަށް އަނިޔާކޮށްފައިވަނީ އެމީހާގެ ސްޕޮންސަރ ކަމަށް ރިޕޯޓުގައި ވާކަމަށެވެ.
މިމައްސަލަ ފުލުހަށް ހުށަހަޅާފައިވަނީ ޑިސެންބަރު 26 ވަނަ ދުވަހު 18:50 އެހައިކަންހާއިރު ކަމަށް ވެސް އޭނާ ވިދާޅުވިއެވެ.
އެ އަންހެން މީހާއަށް ކޮށްފައިނީ ކޮންކަހަލަ އަނިޔާއެއް ކަމެއް ޝީފާން ވިދާޅެއް ނުވެއެވެ. އަދި އޭނާގެ ސްޕޮންސަރަކީ ކާކުކަމެއް ވެސް ވިދާޅެއް ނުވެއެވެ. މިމައްސަލަ ބަލަމުންދާ ކަމަށް ޝިފާން ވިދާޅުވިއެވެ.
