ޔަހޫދީ ޖެނޮސައިޑް ފޯސްއިން ފަލަސްތީނުގެ 35 އަހަރުގެ ޒުވާނެއް ކަމަށްވާ އަލިފު .. އަލިފު… (އަސްލު ނަމެއް ނޫން) ޣައްޒާގެ އައްޝިފާ ހޮސްޕިޓަލުން ވަގަށް ނަގާފައި ވަނީ ވަނީ، މާޗް 2024 ގައެވެ. އޭނާ ހައްޔަރުކުރި ފަހުން، އިސްރާއީލުގެ ސިފައިން އޭނާ ވަގަށް ނަގައިގެން ގެންދިޔަ ފަހުން ޖިސްމާނީ، ނަފްސާނީ އަދި ޖިންސީ ގޮތުން ޖަލުގައި އޭނާއަށް އަނިޔާ ކޮށްފައިވާ ކަމަށް ބުނެއެވެ.
އަލިފު އަލިފު ބުނި ގޮތުގައި، 19 މަސް ދުވަހުގެ އޭނާ ހޭދަކުރީ ވަރަށް ބޮޑު އަނިޔާއެއްގެ ތެރޭގައެވެ.
އަލިފު އަލިފު ބުނީ އަނިޔާ ކުރާއިރު މީހާ ބަހައްޓަނީ ހެދުން ބާލައި ބަރަހަނާ ކޮށްފައެވެ. އަދި އޭނާއަށާއި އޭނާގެ އާއިލާއަށް ދާއިމީ ގޮތެއްގައި ބިރު ދައްކާ ކަމަށްވެސް ބުންޏެވެ. އެންމެ ބޮޑު އަނިޔާއަކީ، ސިއްދީ ތައިމާން އަސްކަރީ ޖަލުގެ ތެރޭގައި ތަމްރީނުކޮށްފައިވާ ކުއްތާ ލައްވައި އޭނާއަށް ޖިންސީ ގޯނާކުރުވުން ކަމަށްވެސް ބުންޏެވެ.
އަލިފު އަލިފު ބުނި ގޮތުގައި، ”ކެމެރާތަކަށް ނާރާ ދިމާލެއްގައި ހުރި ކޮރިޑޯއަކަށް އަހަރެން ގެންދިޔައެވެ. އަދި އަހަރެމެންގެ ހެދުން ބޭލުވިއެވެ. ސިފައިން ކުއްތާތައް ގެނައެވެ. އަދި ކުއްތާތައް އަހަރެންގެ ގައިމައްޗަށް އަރައި، އޭގެ ތެރެއިން އެއް ކުއްތާ ވަނީ ދިން އިރުޝާދާ އެއްގޮތަށް އަހަރެން ރޭޕްކޮށްފައެވެ. އެ ކުއްތާއަށް އެކަން ކުރަން ޖެހޭނެ ގޮތް އެނގެއެވެ. މި ހުރިހާ ކަމެއް ހިނގީ ސިފައިން އަހަރެންގެ ގައިގައި ތަޅަމުން ދަނިކޮށެވެ. އަދި އަހަރެންގެ މޫނަށް ޕެޕަރ ސްޕްރޭ ވެސް ޖަހަމުން ދިޔައެވެ. މި އަމަލު ގާތްގަނޑަކަށް ތިން މިނެޓަށް ދެމިގެން ދިޔައެވެ.“
އަލިފު އަލިފު އިތުރަށް ބުނި ގޮތުގައި، މި ޖިންސީ ގޯނާއަކީ ގާތްގަނޑަކަށް ތިން ގަޑިއިރަށް ދެމިގެން ދިޔަ އަނިޔާގެ ސެޝަނެއްގެ ބައެކެވެ. އެ ސެޝަންގައި ވަރަށް ބޮޑަށް ގައިގައި ތަޅައި، ކޮއްޕައި ހެއްޖެވެ. މިކަމުގެ ސަބަބުން އޭނާގެ ބޮލަށް ބޮޑު ޒަޚަމެއް ލިބި، އަތްފައިގައި ނޫފައިގެންފައިވާ ނިޝާންތައް ހުއްޓެވެ. މޭގެ ކަށިތަކަށް ވެސް ވަނީ ރެނދުލައިފައެވެ.
މީގެ އިތުރުން، މިކަމުގެ ސަބަބުން އޭނާއަށް ވަރަށް ބޮޑު ނަފްސާނީ ޝޮކެއް ލިބިފައިވާ ކަމަށް ވެސް އޭނާ ބުންޏެވެ. އޭނާ ބުނީ، ”އަހަރެންގެ މުޅި ދިރިއުޅުމުގައި މިފަދަ ކަމެއް ދިމާވާނެ ކަމަކަށް ގަބޫލެއް ނުކުރަމެވެ. އަހަރެންނަށް ވަރަށް ބޮޑު ނިކަމެތި ކަމެއް އިހުސާސް ކުރެވުނެވެ. އަހަރެންގެ ހިތްހަމަޖެހުން ގެއްލުނެވެ. އަދި މިކަމުން ސަލާމަތްވުމަށް މަރުވާން އެދެން ފެށުނެވެ.“
ފަލަސްތީނުގެ އިންސާނީ ހައްޤުތަކާ ބެހޭ މަރުކަޒުން ވަނީ މިކަން ކުށްވެރިކޮށް، މިފަދަ އަމަލުތަކަކީ ރޭވުންތެރިކަމާއެކު ޔަހޫދީން ހިންގާ ސިޔާސަތެއްގެ ބައެއް ކަމަށް ބުނެފައެވެ. އަދި މިކަމަށް ބައިނަލްއަޤްވާމީ ފަރާތްތަކުން ވަގުތުން ފިޔަވަޅު އެޅުމަށް އެ މަރުކަޒުން ވަނީ ގޮވާލާފައެވެ.
