އަފީޚާޢީ އަދްރަޢީ އަކީ އިސްރާއީލުގެ ޕްރޮޕެގެންޑާ އަރަބި ދުނިޔެއަށް ފަތުރައި ދިނުމުގެ މަސައްކަތް ކުރި ޔަހޫދީ ތަރުޖަމާނެވެ. މި ސިފައިންގެ މީހާއަކި އަރަބި ބަހުން ވާހަކަ ދައްކާ ޔަހޫދީ ތަރުޖަމާނެވެ. އޭނާއަކީ، ޢަރަބި ދުނިޔޭގެ މީޑިއާގައި ވަރަށް ބޮޑަށް ފާހަގަ ކުރެވުނު މީހެކެވެ. އޭނާގެ މަސައްކަތަކީ، ޢަރަބި ބަހުން އަރަބިންނާ ގުޅޭ ގޮތަށް ވާހަކަ ދައްކައި، އިސްރާއީލުގެ އަސްކަރީ އުދުވާނީ ޢަމަލުތަކާއި ސިޔާސަތުތައް ދިފާޢުކޮށް، އަރަބި ރައްޔިތުންގެ މެދުގައި އިސްރާއީލަށް ހެޔޮ ތަސައްވުރެއް ހުށަހަޅައި ދިނުމެވެ.

އޭނާގެ މަސައްކަތް ވަރަށް ކާމިޔާބެވެ. އޭނާ ވަނީ އަރަބިންގެ ތިންވަނަ ޖީލުގައި ސަހްޔޫނީ ފިކުރުގެ މުސްލިމުންތަކެއް އުފެއްދުމަށް އެހީތެރިވެ ދީފައެވެ. ހުދު ޖުއްބާލައިގެން ޔަހޫދީންގެ ސަހުޔޫނީ އަމަލުތައް ދިފާއުކޮށް ފާރިސީ ކަނޑުއޮޅި ސަރަހައްދުގައި މިވައްތަރުތައް ވަރަށްވެސް ގިނައިން ފެނެއެވެ.

އަފީހާއި އަދުރުއީ ވަނީ މަގާމުން ރިޓަޔާ ވެފައެވެ. އޭނާ ރިޓަޔާ ވުމާއެކު އަރަބި މީޑިއާގައި އޭނާ ސިފަ ކޮށްފައި ވަނީ މާމުއިއަށް ވިހަލާ ޔަހޫދީ ހިޔަޅު ކަލޭގެ ގޮތުގައެވެ. އަދި ބޭރުފުށުން ރީތި ނަމަވެސް އެއީ އެތެރެފުށުން ނުރައްކާތެރި މީހެއް ކަމަށެވެ.

އޭނާގެ މަސައްކަތް ބައްޓަން ކޮށްފައި ވަނީ މީގެ އެތައް ސަތޭކަ އަހަރު ކުރިން އޭނާ އެކޭ އެއްފަދައިން ބަޣުދާދާއި ޤާހިރާއާއި ދިމިޝްޤާއި އަންދުލުސްގެ ޤުރުތުބާގައި މުސްލިމު މުޖުތަމައަށް ފޭދިގެން އުޅުނު ޔަހޫދީންނެކޭ އެއްފަދައިންނެވެ.

އަރަބި މީޑިއާގައި އޭނާއާ ބެހޭ ގޮތުން ގެނަސްދީފައިވާ މިވާހަކަ ނަގުލުކޮށްލަމާ ހެއްޔެވެ؟

އެއް ފަހަރަކު އޭނާ ބުންޏެވެ! މުޙައްމަދު ރަސޫލާ ޞައްލަﷲ ޢަލައިހި ވަސައްލަމަ ޙަދީޘް ކުރައްވާފައި ވެއެވެ: ”މުސްކުޅިއަކުވިއަސް، ކުޑަކުއްޖަކުވިއަސް، އަދި އަންހެނަކު ވިއަސް ނުމަރާށެވެ.“ މި ޙަދީޘް ރިވާކުރައްވާ ބޭކަލަކީ، ރަސޫލާގެ އިޙްތިރާމް ލިބިގެންވާ ޞަޙާބީއެއް ނޫނެވެ. އައި އެއީ، ޝަމްސުލްދީން އައްތަބްރޭޒީފަދަ ވަލީވެރި ސޫފީ ބޭކަލެއްވެސް ނޫނެވެ. މި ވާހަކަ މި ބުބނާ މީހާއަކީ، ”ދީނީ ނަސޭހަތްދޭ މީހެއްގެ ހެދުމުގައި ހުރި ހިޔަޅެކެވެ.“ އެއީ، ދީނީ އަދި އަޚްލާޤީ އަގުތަކަށް ބާރުއަޅާ، ”އަނިޔާވެރިކަމާއި ޓެރަރިޒަމް“ ދޫކޮށްލުމަށް ގޮވާލުމަށް އަރަބިންނަށް މެދުނުކެނޑި އިލްތިމާސް ކުރަމުން، ނާޒީ ޕްރޮޕެގެންޑާގެ ނުބައި ސްޓްރެޓެޖީތަކާއި ސިކުނޑިއާ ކުޅެލާ ނަފްސާނީ ހަނގުރާމައެއް މީހަކު ރަސޫލާއަށް ނިސްބަތް ކޮށް ބުނެފައިވާ ދޮގު ވާހަކައެކެވެ. މި ހިޔަޅު ވަނީ މުސްލިމުން ވިއަސް ދުރޫޒުންވިއަސް ކޮންމެ ދީނަކާއި މިއްލަތެއްގެ މީހުންގެ ޚާއްސަ މުނާސަބާގައި އޭނާގެ ސާފު އަރަބި ބަހުން ވިހަލައި ޔަހޫދީ ޕްރޮޕެގެންޑާ ފަތުރައި ހަދާފައެވެ.

ކާނަލް އަފީޚާޢީ އަދްރަޢީ އަކީ އިސްރާއީލުގެ ސިފައިންގެ މީހެކެވެ. އޭނާގެ މަސައްކަތް ފެށުނީ، އިސްރާއީލުގެ ސިފައިންގެ ޖާސޫސީ މަސައްކަތް ކުރާ އިންޓެލިޖެންސް ޔުނިޓް 8200 އިންނެވެ. މި ތަޖުރިބާގެ ސަބަބުން، އޭނާއަކީ މީޑިއާގައި އޮޅުވާލުމުގެ ހުނަރު މަތީ ފެންވަރަކަށް ހާސިލުކޮށްފައިވާ މީހެކެވެ.

ޚާއްޞަކޮށް ޑިޖިޓަލް މީޑިއާގެ ތަރައްގީއާއެކު، އޭނާ ވަނީ ފޭސްބުކާއި ޓްވިޓަރު ފަދަ މަންސަތައް ޔަހޫދީންގެ ޕްރޮޕެގެންޑާގައި ފުރިހަމައަށް ބޭނުންކޮށްފައެވެ. އޭނާގެ ވާހަކަތައް ޢަރަބި ޒުވާނުންނާ ހަމައަށް ގެނެސްދިނުމުގައި، އޭނާ ބޭނުންކުރީ ޒަމާނީ އަދި ޢިލްމީ އުސްލޫބެކެވެ.

ބައެއް ފަހަރު ދީނީ އިރުޝާދު ދޭ މީހެއްގެ ސިފައިގައެވެ. އަދި، އަނެއް ބައި ފަހަރު ނުރައްކާތެރި އިންޒާރު ދޭ މީހެއްގެ ސިފައިގައި އޭނާ ފެނިގެން ދިޔައެވެ. ޣައްޒާ، ލުބްނާން، ޔަމަން އަދި އީރާނުގެ ރައްޔިތުންނަށް އަމާޒުކޮށް އޭނާ ދިން އިންޒާރުތަކުގެ ސަބަބުން، އޭނާގެ ނަން ވަނީ މަޝްހޫރުވެފައެވެ.

ސަޔަނިސްޓް ސަހުޔޫނީ ޙަރަކާތް ފެށުނު ދުވަހުން ފެށިގެން ވެސް، މީޑިއާ އަކީ ޔަހޫދީންގެ ސިޔާސަތުތައް ކުރިއެރުވުމަށް ބޭނުންކޮށްފައިވާ މުހިންމު ހަތިޔާރެކެވެ. ސަހުޔޫނީ ހަރަކކާތުގެ ބާނީ ތެއޮޑޯރް ހަރްޒަލްއަކީވެސް ނޫސްވެރިއެކެވެ.

ޔަހޫދީން ވަނީ 20 ވަނަ ޤަރުނުގެ ކުރީކޮޅުގައި ނޫސްތަކާއި ނޫސް އެޖެންސީތައް ބޭނުންކޮށްގެން ފަލަސްޠީނުގެ ބިމުގައި އެމީހުން ހިންގި ނަސްލު ސާފުކޮށްލުމުގެ ޖަރީމާތައް ދުނިޔެއަށް ޖަރީކޮށް ދައްކާފައެވެ.

މިއަދުވެސް ޢަރަބި ނޫސްވެރިންނަށް ފައިސާގެ އެހީ ދީގެން ނުވަތަ ސަޔަނިސްޓް ޢަރަބި ނޫސްތައް ގަލްފް ސަރަހައްދުގައި އުފައްދައިގެން، ފަލަސްޠީނުގެ ހައްގުތައް ފޮރުވުމަށް މަސައްކަތް ކުރެއެވެ.

އަފީހާއި އަދުރުއީ މަގާމުން މުސްކުޅި ކުރުމަށް ފަހު މިހާރު އޭނާގެ ބަދަލުގައި އެމަގާމަށް އައްޔަން ކޮށްފައި ވަނީ ކެޕްޓަން އީލާ ވާވިޔާއެވެ.