2025 ވަނަ އަހަރުގެ ކުރީކޮޅު ޕޮލެންޑްގެ ބޮޑުވަޒީރު ޑޮނަލްޑް ޓަސްކް ވިދާޅުވި މި ވާހަކަ ވަނީ ވައިރަލް ވެގެން ގޮސްފައެވެ.
”ޔޫރަޕުގެ 500 މިލިއަން މީހުން މި އެދެނީ 140 މިލިއަން ރަޝިޔާ މީހުންގެ ކިބައިން އެމީހުން ސަލާމަތް ކޮށްދިނުމަށް އެދި އެމެރިކާގެ 300 މިލިއަން އެމެރިކާ މީހުންގެ ގާތުންނެވެ. މިއީ އަޅުގަނޑު ހައިރާންވާ ކަމެކެވެ.“
އަދި އޭނާއަށް ނިސްބަތް ކޮށް އިތުރު އެހެން ވާހަކައެއްވެސް ބުނެފައި ވެއެވެ.
”އަޅުގަނޑު ހައިރާން ވަނީ އިޒްރޭލުގެ 7 މިލިއަން މީހުންގެ ކިބައިން ސަލާމަތް ވުމަށް 2 ބިލިއަން މުސްލިމުން އެދި ދުނިޔޭގެ ކިބައިން އާދޭސްކުރާތީ އެވެ!“
ޓަސްކު ވަނީ ޔޫރަޕުން އެމެރިކާގެ ސަލާމަތީ ރައްކާތެރިކަމަށް ބަރޯސާވާތީ 2025 ވަނަ އަހަރުގެ މާޗް މަހު ސުއާލު އުފައްދަވާފައެވެ.
އޭނާ މިވާހަކަ ވިދާޅުވީ ލަންޑަނުގައި ބޭއްވި ސަމިޓެއްގެ ތެރޭގައެވެ. ޔޫރަޕްގެ މީޑިއާގައި މިހާވަހަކަ ވަރަށް ބޮޑަށް ރިޕޯޓްކޮށްފައި ވެއެވެ.
