ނުރައްކާތެރިކޮށް ލޯންޗުތަކެއް ދުއްވި މަންޒަރު ފެންނަ ވީޑިއޯއެއް ސޯޝަލް މީޑިއާގައި އާންމު ވެއްޖެއެވެ.
ފުލުހުން ވިދާޅުވީ މިމައްސަލަ ފުލުހުންގެ ސަމާލުކަމަށް އައިސްފައިވާ ކަމަށެވެ. އެ މައްސަލަ މިހާރު ތަހުގީގު ކުރަން ފަށައިފައިވާ ކަމަށް ވެސް ވިދާޅުވެފައިވެއެވެ. މިމައްސަލައާ ގުޅިގެން މިހާތަނަށް މީހަކު ހައްޔަރު ކޮށްފައި ނުވެއެވެ.
“ވީޑިއޯއިން ފެންނަ ލޯންޗު ތަކަކީ މިއަހަރު އޮގަސްޓު 13 ވަނަ ދުވަހު އއ. އަތޮޅަށް ދަތުރުކުރި ލޯންޗުތަކެއްކަން މިހާތަނަށް ބެލުމުން އެނގިފައިވޭ،“ ފުލުހުން ވިދާޅުވެފައިވެއެވެ. މި ވީޑިއޯއިން ދެ ލޯންޗު ފެނެއެވެ. ދެ ލޯންޗު ނެރުން ވަންނަން އައިއިރު އައީ ބާރު ސްޕީޑުގައި ދުއްވަމުންނެވެ. ބެލެވޭ ގޮތުގައި މިއީ ރޭސް ޖެހި ދެ ލޯންޗެކެވެ. މިފަދަ އަމަލުތަކުން ހީވެސް ނުކުރާ ވަރުގެ ނުރައްކާތެރި އެކްސިޑެންޓު ހިނގުމުގެ ފުރުސަތު ބޮޑެވެ.
