އިޒްރޭލުގެ މުއްސަނދި އެއްބަނޑު އެއްބަފާ ތިން ބެއިން ވެގެން ކަސްބީ ވިއުގައެއް ހިންގުމުގެ ކުށުގައި ނިއުޔޯކުގައި ހައްޔަރުކޮށްފިއެވެ. އޯލެންއާއި އާލަން އާއި ޓާލެން އެލެގްޒެންޑަރު ނަމަކަށް ކިޔާ މި 3 ބެއިންނަކީ ނިއުޔޯކުގައި ރިއެލްއެސްޓޭޓްގެ ވިޔަފާރި ކުރާ މުއްސަނދި ބައެކެވެ.
މިމީހުންނަށް ތުހުމަތުކޮށްފައި ވަނީ، ޕާޓީތަކާއި ދަތުރުތަކުގައި އަންހެނުން ގެންގޮސްގެން އެމީހުންނަށް މަސްތުވާތަކެތި ދީގެން ގަހަށް އަރުވައި، ކަސްޓަމަރުން އަތުން ފައިސާގެ މުގާބިލުގައި އެމީހުން ރޭޕް ކުރުވުމުގެ ޖަރީމާ ހިންގަމުން ގެންދިއުމެވެ. މިމީހުން ދިހަ އަހަރު ވަންދެން މި ވިޔަފާރި ހިންގާފައިވާ ކަމަށް ޕްރޮސެކިއުޓަރުން ބުނެއެވެ.
މިމީހުންނާ ދެކޮޅަށް ކޯޓަށް ހުށަހަޅާފައިވާ 8 ސަފްހާގެ ތުހުމަތުގެ ލިސްޓުގައި މި ޖަރީމާތައް ލިސްޓު ކޮށްފައި ވެއެވެ.
