ފެމިލީ ކޯޓުގެ ތަފާސް ހިސާބުތަކުން ދައްކާ ގޮތުގައި 2022 ވަނަ އަހަރަކީ އެންމެ ގިނައިން ވަރިއާއި ކައިވެނި ކުރި އަހަރެވެ.
އެ އަހަރު 1،346 ވަރިއާއި 2،514 ކައިވެނި ކޮށްދީފައިވެއެވެ. 2018 އިން 2023 އަށް ބަލާއިރު، ޖުމުލަ 7،099 ވަރި ކޮށްދީފައިވާއިރު، 13،777 ކައިވެނި ކޮށްދީފައިވެއެވެ.
މި މުއްދަތުގައި އެންމެ މަދުން ވަރިއާއި ކައިވެނި ކުރީ 2020 ވަނަ އަހަރުއެވެ. އެއީ ކޮވިޑް-19 ގެ ސަބަބުން ކަމަށް ފެމިލީ ކޯޓުން ބުނެއެވެ. 2020 ވަނަ އަހަރު 928 ވަރިއާއި 1،995 ކައިވެނި ކޮށްދީފައިވާއިރު، 2023 ވަނަ އަހަރު 1،281 ވަރި ކޮށްދީފައިވެއެވެ. އަދި 2018 ވަނަ އަހަރު 1،156 ވަރި ކޮށްދީފައިވާއިރު، 2019 ވަނަ އަހަރު 1،195 ވަރި ކޮށްދީފައިވެއެވެ.
