ޓައިވާނާ ގުޅޭ ގޮތުން ޗައިނާގެ ނިޔަތާ މެދު ކަންބޮޑުވުން ފާޅުކޮށް އެމެރިކާގެ ޑިފެންސް ޑިޕާޓްމަންޓުން ”މިލިޓަރީ އެންޑް ސެކިއުރިޓީ ޑިވެލޮޕްމަންޓްސް އިންވޮލްވިންގް ދަ ޕީޕަލްސް ރިޕަބްލިކް އޮފް ޗައިނާ (ޕީއާރުސީ) 2024“ ގެ ނަމުގައި ރިޕޯޓެއް ޝާއިއުކޮށްފި ކަމަށް ޓައިވާން ނިއުސް އިން ބުނެ އެވެ.

އެ ރިޕޯޓުގައި ބުނެފައި ވަނީ ޗައިނާއިން ޓައިވާނަށް އަރައިގަތުމަށް ތައްޔާރުވުމަށް މަސައްކަތަކެއް ކުރަމުންދާ ކަމަށާއި މިދިޔަ އަހަރު ބެއިޖިން އިން ”ޓައިވާނާ ދެކޮޅަށް ފިއްތައި އެކި އުކުޅުތައް ބޭނުންކޮށްގެން ޓައިވާނާއި ޓައިވާންގެ ވަށައިގެން ގިނަ ދުވަސްތަކެއް ވަންދެން އޮތް ހިމޭންކަން“ ޗައިނާއިން ނައްތާލާފައިވާ ކަމަށެވެ.

އަސްކަރީ ބާރުގެ ބޭނުންކޮށްގެން ޗައިނާއާ އެކު ”ޓައިވާން އެއްބައިވަންތަ ކުރުމަށް“ ބެއިޖިން އަށް ފެނިއްޖެ ނަމަ އެކަމެއްވެސް ޗައިނާއިން ކޮށްފާނެ ކަމަށް އެ ރިޕޯޓުގައި ބުނެފައި ވެއެވެ.

އެ ރިޕޯޓުގައި އިތުރަށް ފާހަގަކޮށްފައި ވަނީ ޓައިވާނަށް ސިފައިން ކަނޑުމަގުން އަރުވައިގެން، ޓައިވާން ހިފުމަކީ، ޗައިނާ ސިފައިންނަށް އެންމެ ހޭދަ ބޮޑު އަދި އެންމެ އުނދަގޫ އަސްކަރީ އޮޕަރޭޝަންތަކުގެ ތެރެއިން އެއް އޮޕަރޭޝަން“ ކަމަށެވެ.

ޗައިނާ ފުށުން ބޮޑުވަމުން އަންނަ ނުރައްކަލާ ގުޅިގެން ޓައިވާނުން ދަނީ ދިފާއީ ގާބިލްކަން ހަރުދަނާ ކުރުމަށް ޕްރޮއެކްޓިވް ފިޔަވަޅުތަކެއް އަޅަމުންނެވެ. ރިޕޯޓުގައިވާ ގޮތުން ޓައިވާނުން މި ނުރައްކަލަށް ހައްލެއް ހޯދުމަށް ފިޔަވަޅުތައް އަޅަނީ އެގައުމުގެ ހަނގރާމައަށް ތައްޔާރަ ވުމުގެ ރިޒާވް ސްޓޮކްތަކާއި ސިފައިން އިތުރަށް ތަމްރީނު ކޮށްގެންނެވެ.