މޫސުމާބެހޭ އޮފީހުން މުޅިރާއްޖެއަށް ހުދުސަމާލު ނެރެފިއެވެ.

އެ އިދާރާއިން ވިދާޅުވެފައިވަނީ ކުރިއަށްއޮތީ ބޯކޮށް ވާރޭވެހޭނެ ވަގުތުތަކެއް ކަމަށެވެ. އަދި ގުގުރާނޭ ކަމަށްވެސް ލަފާކޮށްފައިވެއެވެ. މިވަގުތުގައި ވިލާގަނޑުގައި ގަޑިއަކު 45 މޭލަށް ވައިގަދަވާނޭ ކަމަށް ވެސް ލަފާ ކުރެވޭ ކަމަށް ވިދާޅުވެފައިވެއެވެ.

މިދުވަސްވަރަކީ ރާއްޖެއަށް ވިއްސާރަ ދުވަސްވަރަކަށްވުމުން ކަނޑުދަތުރުފަތު ކުރާމީހުން މޫސުމަށް ސަމާލުވެގެން ދަތުރު ކުރުކުރުމަށް އެމްއެންޑީއެފުން ވިދާޅުވެފައިވެއެވެ. މިއަދުވެސް ސިފައިން ގެންދަނީ ބަންޑުންކަހާލި ލޭންޑިންކްރާފްޓަކުން ގެއްލުނު ތިންމީހަކު ހޯދުމުގެ މަސައްކަތް ކުރަމުންނެވެ.

މިއަދު ހެނދުނު 8:30 ގައި ނެރެފައިވާ ހުދުސަމާލު މެންދުރުފަހު 2:30 އާ ހަމައަށް އޮންނާނެއެވެ.