ޣައްޒާއިން ނަސްލު ސާފުކޮށްލުމަށް ޓްރަމްޕް ރާވާފައިޥާ ރޭވުން ތަންފީޒު ކުރުމަށް މަސައްކަތް ކޮށްދޭ އޮޕަރޭޝަން ސެންޓަރުގެ މައުލޫމާތު މީޑިއާއަށް ތިލަ ވެއްޖެއެވެ.
- މިއޮޕަރޭޝަން ސެންޓަރަކީ އިޒްރޭލުގެ ސަރަހައްދުގައި ހަދާފައިވާ މަރުކަޒެކެވެ.
- މި މަރުކަޒުގައި ދައްކާ ވާހަކަތަކުގައި ބަހުސް ކުރަމުން ދަނީ އައްސޭރި ފަށުން ފަލަސްޠީނު މީހުން ދުރަށް ގެންދިއުމާ ބެހޭ ގޮތުންނެވެ.
- އަދި ފަލަސްޠީނު މީހުން ގެންގޮސް ބައިތިއްބަން ރާވަމުން ދަނީ ޣައްޒާގައި އިޒްރޭލުން މިހާރު ހިފާފައިވާ ބަފަރ ޒޯންގައި އަޅާ ވަގުތީ ގެތަކުގައެވެ.
- މި އޮޕަރޭޝަން މަރުކަޒުގައި ފަލަސްޠީނުގެ އެއްވެސް މީހަކު ބައިވެރިކޮށްފައެއް ނުވެއެވެ.
- މި އޮޕަރޭޝަން މަރުކަޒުގައި ތިބީ އިޒްރޭލާއި އެމެރިކާއާއި ޔޫއޭއިއާއި ކެނެޑާއާއި ޖަރުމަންވިލާތާއި ސިންގަރޫޕުގެ ތަޖުރިބާ ކާރުންނެވެ.
- މިމީހުން ވާހަކަ ދައްކަނީ ހައްސާސް މައްސަލަތަކާ ބެހޭ ގޮތުންނެވެ. އެގޮތުން ފަލަސްޠީނުގެ މީރުފެން ހުންނަ ތަންތަނާއި ފެން ފަށަލަ ފަދަ ހައްސާސް މައްސަލަތައް ހޯދައި ބަހުސް ކުރެއެވެ.
- މި އޮޕަރޭޝަން މަރުކަޒުގައި އިސްކޮށް ވިލަރެސް ކުރުމަށް ހުންނަނީ ޔަހޫދީ ފާދިރީ އެކެވެ. އޭނާއަކީ އާރިއޭ ލައިޓިސްޓަން އެވެ.
- މީޑިއާއިން ލަފަ ކުރާ ގޮތުގައި މި ސެންޓަރުން މަސައްކަތް ކުރަނީ ކުރިން ޓްރަމްޕް އިއުލާން ކުރި ނާކާމިޔާބުވި ރިވޭރާ އެއް ބިނާކުރުމަށް ޣައްޒާއިން ނަސްލު ސާފު ކޮށްދިނުމަށެވެ.
