އީރާނުގެ ތެޔޮ އެކްސްޕޯޓް ކުރުން އެމެރިކާއަށް ނުހުއްޓުވޭނޭ ކަމަށް އީރާނުގެ ރައްޔިތުންގެ މަޖިލީހުގެ ނާއިބު ރައީސް އަލީ ނިކްޒާދް ވިދާޅުވެއްޖެއެވެ. އޭނާ ވިދާޅުވީ ވޮޝިންގްޓަނުން ވަނީ އީރާނުގެ އަސްކަރީ ގާބިލުކަމާއި ގައުމީ އެކުވެރިކަމާ މެދު ނުބައިކޮށް ހިސާބުތައް ހަދާފައި ކަމަށެވެ.
މާޒަންދަރާން ޕްރޮވިންސްގައި މިއަދު (ބުރާސްފަތި) ބޭއްވި ރަސްމިއްޔާތެއްގައި ވާހަކަދައްކަވަމުން ނިކްޒާދް ވިދާޅުވީ، އެމެރިކާއާއި އެގައުމުގެ ބައިވެރިން މަސައްކަތް ކުރީ ހުރުމުޒް ކަނޑުއޮޅިއާއި، ބާބުލް-މަންދަބް ކަނޑުއޮޅީގެ ކޮންޓްރޯލް ހޯދައިގެން އީރާނަށް ނުފޫޒު ފޯރުވައި، ދުނިޔޭގެ ތެލުގެ މައްޗަށް ބޮޑު ކޮންޓްރޯލެއް ހޯދަން ކަމަށެވެ. ނަމަވެސް އެ މީހުންގެ މަގުސަދު ހާސިލެއް ނުކުރެވުނު ކަމަށް އޭނާ ވިދާޅުވިއެވެ.
އަލީ ނިކްޒާދް ވިދާޅުވީ، އީރާނުގެ ނިއުކްލިއަރ ޕްރޮގްރާމާއި، މިސައިލް ޕްރޮގްރާމްގެ ދުވަސް ދުއްވާލަން އެމެރިކާއާއި އެގައުމުގެ އެކުވެރީން ކުރިމަސައްކަތް ވެސް ވަނީ ނާކާމިޔާބުވެފައި ކަމަށެވެ. އީރާނާ ދެކޮޅަށް އަޅާފައިވާ ދަތިކުރުމުގެ ފިޔަވަޅުތަކާއެކުވެސް އީރާނުގެ ރައްޔިތުންނާއި އަސްކަރިއްޔާއޮތީ ސާބިތުކަން މަތީގައި ކަމަށް އޭނާ ވިދާޅުވިއެވެ.
ނިކްޒާދް ވިދާޅުވީ، އެމެރިކާއަށް އީރާނުގެ ތެޔޮ އެކްސްޕޯޓް ކުރުން ނުހުއްޓުވޭނެ ކަމަށާއި، އެމެރިކާގެ ފިއްތުންތަކާއި ދަތިކުރުމުގެ ފިޔަވަޅުތަކާއެކުވެސް އިސްލާމީ ޖުމްހޫރިއްޔާއިން ތެޔޮ އެކްސްޕޯޓް ކުރުން ކުރިއަށްގެންދާނޭ ކަމަށެވެ.
