ތެހެރާން، އައިއާރުއެންއޭ – އީރާނުގެ ސިސްތާން އެންޑް ބަލޫޗިސްތާން ޕްރޮވިންސްގައި ހަރަކާތްތެރިވަމުންދިޔަ ޓެރަރިސްޓު ގުރޫޕެއް އީރާނުގެ އައިއާރުޖީސީ އިން ހުއްޓުވައި އެ މީހުންގެ ރޭވުންތައް ނާކާމިޔާބުކޮށްލައިފިއެވެ.
އައިއާރުޖީސީގެ ގްރައުންޑް ފޯސްގެ ގުދްސް ބޭސްގެ ޕަބްލިކް ރިލޭޝަންސް އޮފީހުން ބުރާސްފަތި ދުވަހު ނެރުނު ބަޔާނެއްގައި ބުނެފައިވަނީ، ޓެރަރިސްޓު މި ގުރޫޕް ދެނެގަނެ، އެ މީހުންގެ ހަރަކާތްތައް ހުއްޓުވާފައިވަނީ އާންމުންގެ ފަރާތުން ލިބުނު މައުލޫމާތާއެކު، ހިންގި އިންޓެލިޖެންސް އޮޕަރޭޝަނެއްގައި ކަމަށެވެ.
އެބަޔާނުގައި ބުނެފައިވަނީ އެ ގުރޫޕުން ދިޔައީ އެ ސަރަހައްދުގައި ޓެރަރިސްޓު ހަމަލާއެއް ދިނުމަށް ރާވަމުން ކަމަށެވެ. މި އޮޕަރޭޝަނުގައި ތަކްފީރީ ޓެރަރިސްޓު ގުރޫޕުގެ 6 މެންބަރަކު މަރުވެފައިވާ ކަމަށް އީރާނުން ބުންޏެވެ. އަދި ގިނައަދަދެއްގެ ގޮވާތަކެތި ފެނިފައިވާކަމަށާއި، އެތަކެތިވަނީ އައިއާރުޖީސީގެ ބާރުގެ ދަށަށް ގެންގޮސްފައިވާ ކަމަށް އެ ބަޔާނުގައި ބުނެފައިވެއެވެ.
