މިފަހަރު ހައްޔަރުކޮށްފައިވަނީ އުމުރުން 25 އަހަރުގެ ޒުވާނެކެވެ. އޭނާއަކީ އިނގިރޭސި ވިލާތާއި އީރާނުގެ ރައްޔިތުކަން ލިބިފައިވާ ޒުވާނެކެވެ.
"ނިރުބަވެރި" ޢަމަލެއް ހިންގަން އުޅުނުކަމުގެ ތުހުމަތުގައި އިނގިރޭސި ފުލުހުން ހައްޔަރުކުރި މި މީހާއަކީ، މި މައްސަލާގައި ހައްޔަރު ކުރި 6 ވަނަ މީހާއެވެ. ކުރިން ހައްޔަރުކުރި 5 މީހުން ވަނީ ކަފާލާތުގެ ދަށުން ހޯމަދުވަހު ދޫކޮށްލައިފައެވެ. އިނގިރޭސި ފުލުހުން ތުހުމަތު ކުރަނީ މި ހާދިސާ ހިންގަން އުޅުނީ އީރާނުގެ މަދަދާއެކު ކަމަށެވެ.
މި ތަހުގީގު ފެށުނީ މިދިޔަ އާދީއްތަ ދުވަހުގެ ހެނދުނުގެ ވަގުތެއްގައި، އެއާބޭސް ކައިރިން ނުގަވާއިދުން ޕާކުކޮށްފައި ހުރި އުޅަނދުތަކެއް ފެނިގެންނެވެ. އެއީއެކު މޫނު ނިވާކޮށްގެން ތިބި ބަޔަކު އެސަރަހައްދުގައި އުޅޭކަމުގެ މަޢުލޫމާތު އިނގިރޭސި ކަމާބެހޭ ފަރާތްތަކަށް ލިބުމާ ގުޅިގެންނެވެ. އެ އުޅަނދު ފަހަރު ބަލައިފާސްކުރުމަށްފަހު، ހަތިޔާރެއް ނުވަތަ ގޮވާތަކެއްޗެއް ފެނިފައެއް ނުވެއެވެ. ނަމަވެސް، ކަމާބެހޭ ފަރާތްތަކުން ބުނެފައިވަނީ ކޮންވެސް ވަރަކަށް ޕްޓްރޯލް ފެނިފައިވާ ކަމަށެވެ.
އާރް.އޭ.އެފް ގެ މި ސްޓޭޝަނަކީ އެމެރިކާއިން އަސްކަރީ ހަރަކާތްތަކަށް ބޭނުންކުރަމުންދާ ތަނެކެވެ. އޭގެ ތެރޭގައި އެމެރިކާއާއި އިސްރާއީލުން އީރާނާ ދެކޮޅަށް ކުރާ ހަނގުރާމައިގައި ބޮން އަޅާ ބޯޓުފަހަރު އުދުއްސާލުމަށް މިތަން ބޭނުންކުރެއެވެ.
