އެގައުމުގެ ޚާރިޖީ ވުޒާރާގެ ތަރުޖަމާނު ވަނީ އަނިޔާކުރުމުން އެކަމަށް ފާޑުވިދާޅުވެ، މުޒާހަރާކުރާ ދަރިވަރުންގެ އަސާސީ ޙައްޤުތަކާއި މިނިވަންކަމަށް އިޙްތިރާމްކުރުމަށް ގޮވާލައްވައިފިއެވެ.
ތަރުޖަމާނު އިސްމާޢީލް ބަޤާއީ ވިދާޅުވީ، ޞަހްއޫނީ ދައުލަތުން ތަމްރީނުދީފައިވާ ހަތިޔާރުއެޅި ޓެރަރިސްޓުންނާ ދެކޮޅަށް އީރާނުގެ ސެކިއުރިޓީ ބާރުތަކުން ފިޔަވަޅުއެޅުމުން އެއީ އިންސާނީ ޙައްޤުތަކާ ޚިލާފުވުން ކަމަށް ފްރާންސްގެ މަސްއޫލުވެރިން ވަނީ ސިފަކޮށްފައި ކަމަށެވެ. އެހެންނަމަވެސް އެޤައުމުގައި ސުލްޙަވެރިކަމާއެކު ބާއްވާ އެއްވުންތަކުގައި ފުލުހުންނާ ދެކޮޅަށް ހިންގާ ކުޑަކުޑަ އަމަލަކަށް ވެސް ކެތްނުވެވިގެން އެންމެ އަނިޔާވެރިކޮށް ގެންދަނީ މުޒާހަރާގެ ބައިވެރިން ފިއްތާލަމުން ކަމަށް ތަރުޖަމާނު ވަނީ ވިދާޅުވެފައެވެ.
ފްރާންސްގެ ނޫސް އެޖެންސީތަކުން ޝާއިޢުކޮށްފައިވާ ރިޕޯޓްތަކަށް ރިއާޔަތްކޮށް ބަޤާއީ ވިދާޅުވީ، މުޒާހަރާގެ ބައިވެރީންގެ ތެރެއިން 2,000 އަށްވުރެ ގިނަ މީހުން މިހާރުވަނީ ފުލުހުންގެ ހައްޔަރަށް ގެންގޮސްފައި ކަމަށެވެ. ފުލުހުން ވަނީ އެމީހުންނަށް އަނިޔާކޮށްފައި ކަމަށް ވެސް އޭނާ ވިދާޅުވެފައިވެއެވެ. ސަލާމަތީ ބާރުތަކުން މުޒާހަރާގެ ބައިވެރިންނާ ދެކޮޅަށް ހިންގި އަނިޔާވެރިކަން ތަޙުޤީޤުކުރުމަށް ތަރުޖަމާނު ގޮވާލެއްވިއެވެ.
އެއާއެކު، މުޒާހަރާގެ ބައިވެރިންވެސް އަނިޔާވެރި އަމަލުތަކުން ދުރުހެލިވުމަށާއި، އާންމު އަދި އަމިއްލަ މުދަލަށް ގެއްލުންނުދިނުމަށާއި، ޤާނޫނު ތަންފީޒުކުރާ ފަރާތްތަކަށް ޙަމަލާނުދިނުމަށް ބަޤާއީ ވަނީ އެދިވަޑައިގެންފައެވެ.
