ޖިންސީގޯނާގެ ތުހުމަތުގައި ރޭ ހައްޔަރުކުރި ޢަބްދުﷲ ޝާހިދުގެ ބަންދާމެދު ގޮތެއް ނިންމަން ކޯޓަށް ހާޒިރު ކުރުމުން 30 ދުވަހަށް ބަންދުކުރަން ކްރިމިނަލްކޯޓުން އަމުރު ކޮށްފިއެވެ.
ޝާހިދުގެ މައްޗަށް ތުހުމަތު ކޮށްފައިވަނީ އުމުރުން އަށާރައަހަރުނުވާ ކުއްޖަކަށް ޖިންސީގޯނާ ކުރުމުގެ ތުހުމަތެވެ. މިކަމާ ގުޅިގެން ރޭ ޝާހިދު ވިދާޅުވެފައިވަނީ އެއީ އެއްވެސް އަސްލެއްނެތް ދޮގެއް ކަމަށެވެ. އެކަމަކީ އޭނާގެ ޝަޚުސު ކަތިލުމަށް ސިޔާސީގޮތުން ފަތުރަމުންދާ ވާހަކަތަކެއް ކަމަށް ވެސް ވަނީ ވިދާޅުވެފައެވެ.
