ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒާއި، އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދަށް އިންޑިއާ ސަރުކާރުން ރަސްމީ ގޮތުން މަރްޙަބާ ދަންނަވައިފިއެވެ.
އިންޑިޔާގެ ރިޔާސީ ގަނޑުވަރު، ރާޝްތުރަޕަތީބަވަން އިން އެ ދެކަނބަލުންނަށް މިއަދު ހެނދުނު މަރުޙަބާ ދެންނެވީ އިންޑިއާގެ ރައީސް ދުރޫޕަދީ މުރުމޫ އާއި ބޮޑުވަޒީރު ނަރެންދުރަ މޯދީއެވެ. އެ ގަނޑުވަރަށް ރައީސްގެ ދެކަނބަލުން ވަޑައިގެންނެވުމުން އެކާސްވީސް ބަޑީގެ ސަލާމެއް އެރުވިއެވެ. މިރަސްމިއްޔާތުގައި ރައީސް ޑރ. މުޢިއްޒުވަނީ އެމަނިކުފާނުގެ ޝަރަފުގައި ބޭއްވި ޝަރަފްގެ ގާޑް، އިންސްޕެކްޓް ކޮށްދެއްވައިފައެވެ.
ރާޝްތުރަޕަތީ ބަވަންގައި ބޭއްވި މަރުޙަބާ ދެންނެވުމުގެ ރަސްމިއްޔާތަށްފަހު، ރައީސުލްޖުމްހޫރިއްޔާގެ ދެކަނބަލުން، މަހާތުމާ ގާންދީގެ މަޤްބަރާ، ރާޖްގަޓަށް ޒިޔާރަތްކުރެއްވި ކަމަށް ރައީސް އޮފީހުން ވަނީ ވިދާޅުވެފައެވެ. ރައީސްގެ ދެކަނބަލުން ފުރަމާނަ ދަޔތުރުފުޅެއްގައި އިންޑިއާއަށް ވަޑައިގެންނެވީ އިއްޔެ މެންދުރުއެވެ.
