ސަޢުދީޢަރަބިއްޔާގެ ވަފުދެއް އިއްޔެ ރާއްޖެ ވަޑައިގެންފިއެވެ. މިއީ މިމަހު އެގާރަވަނަ ދުވަހު ރާއްޖޭގައި ބޭއްވުމަށް ހަމަޖެހިފައިވާ ޙައްޖާއި ޢުމްރާ ކޮންފަރެސްންސްގައި ބައިވެރިވުމަށް ވަޑައިގެންނެވި ވަފުދެކެވެ.
މިދަތުރުގައި މިވަފުދުގެ އިސްބޭޅުން މިނިސްޓަރ ޑރ. މުޙައްމަދު ޝަހީމް ޢަލީ ސަޢީދާ ބައްދަލު ކުރައްވާނެއެވެ. މީގެ އިތުރުން ފަތުވާ ކޮމިޓީގެ މެންބަރުންނާ ވެސް ބައްދަލުކުރައްވާނެއެވެ.
މީގެ އިތުރުން މި ވަފުދު ޒުވާން ޚަތީބުންނާ ބައްދަލު ކުރުމާއި ކިރިތި ޤުރުއާނާ ބެހޭ މަރުކަޒަށް ޒިޔާރަތް ކުރުން ފަދަ ކަންކަން ހަމަޖެހިފައިވެއެވެ.
