ފާއިތުވިސް 48 ގަޑިއިރުތެރޭ މާލެއިން ފަސް އުޅަނދެއް ޓޯވކޮށްފި ކަމަށް ފުލުހުން ވިދާޅުވެއްޖެއެވެ.
ފުލުހުން ވިދާޅުވީ އެވަގުތުތަކުގައި 44 އުޅަނދެއް ބަލައި ޗެކްކޮށްފައިވާ ކަމަށެވެ.
މިއީ މާލޭގެ ސަލާމަތާއި ރައްކާތެރިކަން ކަށަވަރުކުރުމަށް ފުލުހުން ކުރަމުންދާ މަސައްކަތުގެ ތެރެއިން ގޭންގް ކްރައިމް ސަޕްރެޝަން ޑިޕާރޓްމަންޓުން ހިންގި އޮޕަރޭޝަނެކެވެ. ފާއިތުވި 48 ގަޑިއިރުގެ ތެރޭގައި ހޮޓްސްޕޮޓްސްގެ ގޮތުގައި ފާހަގަކުރެވޭ ސަރަހައްދުތައް 432 ފަހަރު ބަލައިފާސްކޮށް، 160 އިންޓަރެކްޝަން ހަދާފައިވާ ކަމަށް ވެސް ފުލުހުން ވިދާޅުވިއެވެ.
މާލޭގެ އެކި ސަރަހައްދުތަކުގައި ފުޓްޕެޓްރޯލް 14 ގަޑިއިރަށްވުރެ ގިނަ ވަގުތު ފުލުހުން ކޮށްފައިވާ ކަމަށް ވެސް ވިދާޅުވެފައިވެއެވެ.
