ދިހަ އަހަރުގެ ތެރޭގައި ޕާކިސްތާނަށް ކުރައްވާ ފުރަތަމަ ދަތުރުފުޅުގައި އިންޑިއާގެ ޚާރިޖީ ވަޒީރު އެސް ޖަޔަޝަންކަރު މި މަހުގެ 15 އިން 16އަށް އިސްލާމްއާބާދަށް ވަޑައިގަންނަވާނެއެވެ.

ޖަޔަޝަންކަރުގެ މި ދަތުރުފުޅަކީ، ޝެންހާއި ކޯޕަރޭޝަން އޮގަނައިޒޭޝަންގެ ވެރިންގެ ސަމިޓްގައި ބައިވެރިވެ ވަޑައިގަތުމަށް ކުރައްވާ ދަތުރުފުޅެކެވެ. އިންޑިއާގެ ޚާރިޖިއްޔާއިން ބުނެފައި ވަނީ އެ ސަމިޓްގައި މޮދީގެ ބަދަލުގައި ޖަޔަޝަންކަރު ބައިވެރިވެ ވަޑައިގަތުމަށް މޮދީ އިރުޝާދު ދެއްވާފައިވާ ކަމަށެވެ.

އެސްސީއޯގެ ސަމިޓް މިދިޔަ އަހަރު ބޭއްވީ އިންޑިއާގައެވެ. ޕާކިސްތާނުގެ ބޮޑުވަޒީރު ޝެހެބާޒް ޝަރީފް ސަމިޓްގައި ބައިވެރިވެ ވަޑައިގަތީ، ވީޑިއޯ ލިންކެއް މެދުވެރިކުރައްވައި މަޖާޒީ ގޮތެއްގައެވެ.