އެޗުޑީސީގެ މެނޭޖިން ޑިރެކްޓަރަކަށް މައުރޫފް ޖަމީލް މިއަދު އައްޔަން ކުރައްވައިފިއެވެ.
އޭނާ މި މަގާމަށް އައްޔަން ކުރެއްވީ ކުރިން އެމަގާމުގައި ހުންނެވި އިބްރާހީމް ފަޒުލް ރަޝީދު ރޭ އިސްތިއުފާ ދެއްވަމުންނެވެ.
އެ މަގާމަށް މައުރޫފް އައްޔަންކުރި ކަން ޕީސީބީން ހާމަކުރެއްވީ މިއަދު އެވެ.
މައުރޫފަކީ ރައީސް މައުމޫން ސަރުކާރުގައި މިނިސްޓަރ އޮފް ކޮންސްޓްރަކްޝަންސް އެންޑް ޕަބްލިކް ވޯކްސް ގެ މަގާމް ފުރުއްވާފައިވާ ތަޖުރިބާކާރު ބޭފުޅެކެވެ. އޭނާ ވަނީ ހުޅުމާލޭ ހިއްކުމަށް ހިންގެވި މަޝްރޫއުގައި މުހިންމު ދައުރެއް އަދާކުރައްވައިފައެވެ.
މައުރޫފް މިމަގާމަށް އައްޔަން ކުރެއްވުމުން ރައީސް މައުމޫން ވަނީ މައުރޫފަށް ތައުރީފާއެކު މަރުހަބާ ވިދާޅުވެފައެވެ.
