ޗައިނާގެ ޒުވާން އެކްޓިވިސްޓް ޒަންގް ޔަދީ ވަނީ ހައްޔަރުކޮށްފައެވެ. އޭމނާއަކީ އުމުރުން 22 އަހަރުގެ ދަރިވަރެކެވެ. އޭނާ ހައްޔަރު ކޮށްފައި ވަނީ ލަންޑަން ޔުނިވާސިޓީގައި މާސްޓަރސް އަށް ކިޔެވުން ފެށުމަށް ހަމަޖެހިފައިވަނިކޮށެވެ. ހައްޔަރު ކުރިއިރު އޭނާ ދިޔައީ އާއިލާއާއެކު ހޫނާން ޕްރޮވިންސްގެ ޗަންގްޝާގައި ޗުއްޓީ ހޭދަކުރަމުން ނެވެ. އާއިލާއިން ބުނި ގޮތުގައި އޭނާ ނިޒާމުން ގެއްލުވަލާފައި ވަނީއެވެ. އަދި އޭނާއާ ދެކޮޅަށް ކޮށްފައިވާ ދައުވާއަކީ ވަކިވަކިވުމަށް ހިތްވަރުދިނުމުގެ ދަޢުވާ އެވެ. ބަޣާވާތް ކުރުމަށް ހިތްވަރު ދިނުމަކީ 15 އަހަރަށްވުރެ ދިގު މުއްދަތަކަށް ޖަލަށްލެވިދާނެ ފަދަ ކުށެކެވެ.

ޓިބެޓްގެ ޘަޤާފީ ޙައްޤުތަކަށް މަސައްކަތްކުރާ ”ޗައިނީސް ޔޫތު ސްޓޭންޑް ފޯ ޓިބެޓް“ ޕްލެޓްފޯމްގައި ހަރަކާތްތެރިވެފައިވާ ޒަންގްއަކީ ހާން އަދި ޓިބެޓް މުޖުތަމަޢުތަކުގެ ދެމެދު ގުޅުން ބަދަހިކުރުމަށް މަސައްކަތްކުރި ޒުވާނެކެވެ. ޖުލައި 30 ގައި އޭނާ ގެއްލިފައިވާއިރު އޭނާގެ ވަކީލަށްވެސް އޭނާއާ ބައްދަލުކުރުމުގެ ފުރުޞަތު ދީފައެއް ނުވެއެވެ.

މި މައްސަލައަކީ ޗައިނާގައި ބައި މަދު ނަސްލުގެ ޙައްޤުތަކަށް މަސައްކަތްކުރާ ފަރާތްތަކާމެދު އިތުރުވަމުންދާ ފިޔަވަޅުތަކުގެ ތެރެއިން އެއް މައްސަލައެވެ. ހިއުމަން ރައިޓްސް ވޮޗްއިން ވަނީ ޒަންގްއަށް ވަގުތުން ވަކީލުންގެ އެހީތެރިކަން ފޯރުކޮށްދީ، އޭނާ ދޫކޮށްލުމަށް ގޮވާލާފައެވެ. މި މައްސަލަ ކުރިމަތިވެފައިވަނީ ޓިބެޓުގެ ބުދު ދީނުގެ މީހުން އަޅުކަން ކުރާ ދަލައި ލާމާ އިންސާނާގެ 90 ވަނަ އުފަން ދުވަހުގެ ފާހަގަކުރުމާ ދިމާކޮށެވެ.