ކެލިފޯނިއާގެ ޕީޑްމޮންޓްގައި ހިނގި ޓެސްލާ ސައިބަރ ޓްރަކް އެކްސިޑެންޓެއްގައި 19 އަހަރުގެ ކްރިސްޓާ މިޝެލް އަނދައިގެން މަރުވެއްޖެއެވެ. މި އެކްސިޑެންޓްގައި ޖުމްލަ 3 މީހުން ވަނީ މަރުވެފައެވެ.

ކްރިސްޓާގެ މައިންބަފައިން ވަނީ ޓެސްލާއާ ދެކޮޅަށް ކޯޓަށް މައްސަލަ ހުށަހަޅާފައިވެއެވެ. އެ މައްސަލައިގައި ބުނެފައިވާ ގޮތުގައި، އުޅަނދު ގަހަކާ ޖެހި އޭގައި އަލިފާން ރޯވުމުން، އުޅަނދުގެ އުފެއްދުމުގައި އުޅޭ ޑިޒައިންގެ މައްސަލައެއްގެ ސަބަބުން ދޮރުތައް ތަޅުލެވި، ކްރިސްޓާއަށް ވެހިކަލްއިން ނުނިކުމެވި އަލިފާނުގައި އެތެރޭގައި ފިހެވިގެން މަރުވީއެވެ.

މައްސަލައިގެ ދަޢުވާގައި ބުނެފައިވާ ގޮތުން، އީލޮން މަސްކްގެ ޓެސްލާއަށް މި ޑިޒައިން މައްސަލަ އެނގިފައިވާތާ އަހަރުތަކެއް ވެފައިވީ ނަމަވެސް، އެކަން ރަނގަޅު ކުރުމަށް އެއްވެސް ފިޔަވަޅެއް އަޅާފައި ނުވެއެވެ.