ގެއްލިގެން ހޯދަމުންދިޔަ ޝިބާ ރަޝީދު ފެނިއްޖެ ކަމަށް ފުލުހުން ވިދާޅުވެއްޖެއެވެ.

ރ. ދުވާފަރު/ ސިކްސް ސެންސް، ޝިބާ ރަޝީދު (14އ) ފެނިފައިވަނީ މިރޭގެ ވަގުތެއްގައި ކަމަށް ފުލުހުން ވިދާޅުވިއެވެ. އޭނާ ފެނުނީ އަމިއްލައަށް ގެއަށް އައުމުންނެވެ. އެ ކުއްޖާގެ ހާލު ރަނގަޅު ކަމަށް ފުލުހުން ވިދާޅުވިއެވެ. އޭނާ ދިޔަތަނަކާއި އުޅުނު ގޮތެއް ފުލުހުން ހާމަކޮށްފައެއް ނުވެއެވެ.

އެކުއްޖާ ގެއިން ނުކުމެގެންދިޔައީ މިމަހު 28 ވަނަ ދުވަހު ހަވީރު 5:55 އެހާކަންހާއިރުއެވެ.އެފަހުން ޚަބަރުނުވުމުން އާއިލާއިން ފުލުހަށް އެންގީއެވެ.