ކަޝްމީރު މުސްލިމުން މަތިން އެރުދުޣާން ހަނދާން ނައްތާލައިފި

ކޮންމެ އަހަރަކުވެސް އދ. ގައި ތަޤްރީރު ކުރައްވާއިރު ތުރުކީގެ ރައީސް ރަޖަބު ޠައްޔިބް އެރުދުޣާންގެ ތަޤްރީރުގައި ކަޝްމީރުގެ ވާހަކަ ފާހަގަ ކުރައްވައެވެ. ނަމަވެސް މިއަހަރު އެރުދުޣާން ވަނީ ކަޝްމީރު މަތިން ހަނދާން ނައްތަވާލައްވާފައެވެ. މިއަހަރަކީ، އދ. ގައި ތަގްރީރު ކުރައްވަމުން ކަޝްމީރުގެ ނަންން ވިދާޅުނުވެ އެރުދުޣާން ދޫކޮށްލި ފުރަތަމަ ފަހަރެވެ. އެރުދުޣާން ޤަވާއިދުން ކޮންމެވެސް ގޮތަކުން ކަޝްމީރުގެ ނަން އަބަދުވެސް ތަގްރީރުގައި ގެންނަވައެވެ. އެކަން ބޮޑަށް ފާހަގަ ވެގެން ދިޔައީ، 2019 ވަނަ އަހަރުން ފެށިގެން އިންޑިއާއިން ކުރީގެ ޖަމްމޫ އެންޑް ކަޝްމީރު ބައިކުރުމަށްފަހު، ކަޝްމީރަށް ޚާއްސަ ދަރަޖައެއް ދިން ހިސާބުންނެވެ.