ޙިޒުބުﷲގެ ހަމަލައަކަށް ބިރުން ނަތަންޔާހޫ ފިލަންދުވި

ޙިޒުބުﷲ އިން މިއަދު ވަނީ ނަތަންޔާހޫގެ ގެ ހުންނަ ޤައިސަރިއްޔާއަށްވެސް ޑްރޯނުން ހަމަލަ ދީފައެވެ. މި ޙަމަލާގެ ސައިރަން އެޅުމާ ގުޅިގެން ނަތަންޔާހޫ ބިންގަރާހަށް ފިލަން ދުއްވައިގަތް ކަމަށް ޔަޑިއޮތް އަހްރެނޮތު ނޫހުން ބުނެއެވެ. މިއީ ލުބުނާނަށް އަރައިގަތުމަށް ސިފައިން ފޮނުވި ފަހުން ޤައިސަރިއްޔާގައި ސައިރެން އެޅި ފުރަތަމަ ފަހަރެވެ. ޙިޒުބުﷲގެ ހަމަލަތަކުން ޒަޔަނިސްޓުންގެ ސިފައިން ނައްތާލުމުގައި މުޖާހިދުން ދަނީ ކާމިޔާބީ ހޯދަމުންނެވެ. ޒަޔަނިސްޓުން ހަނގުރާމައާ ބެހޭ މަޢުލުމާތު އާންމު ކުރުން މަނާ ކުރުމުން އެމީހުންގެ ގެއްލުންތަކުގެ ވާހަކަ ޒަޔަނިސްޓު މީޑިއާއިން ގެނެސްނުދެއެވެ. ނަމަވެސް އިޒްރޭލުގެ މީސްމީޑިއާގައި އަތް ފުނާ އަޅާލުމުން ޒަޔަނިސްޓުންގެ ސަންދޯތައް ބަރިބަރިއަށް އަތުރާލާފައިވާ މަންޒަރާއި ޒަޔަނިސްޓުން ހޭރޭ އަޑު ވީޑިއޯތަކުން އިވެމުން ދެއެވެ. ދާދި ދެންމެއަކުވެސް އިޒްރޭލު ސިފައިން ވަނީ ޒަޔަނިސްޓުންގެ ދެ މީހަކު ނައްތާލާފައިވާ ކަން ކަށަވަރުކޮށްދީފައެވެ. ޙިޒުބުﷲއިން އިއްޔެވެސް އެއް ހަމަލާގައި ޒަޔަނިސްޓުންގެ 20 މީހަކު ނައްތާލިއެވެ. މިއަދުވެސް ޙިޒުބުﷲއިން ހިފާފައިވާ ޖަލީލަށްވެސް 100 ރޮކެޓް ހަމަލަތައް އަމާޒުކޮށްފައިވާ ކަމަށް އިޒްރޭލު މީޑިއާ ބުނެއެވެ.