ހިތާވާން ބޭނުންނަމަ ތުނބުޅި މަތިމަސް ބާލައިގެން އަންނާތި!

ފިރިހެނުންގެ ތުނބުޅީގައި މިހާރު އުކުނު އަޅަނީ ހެއްޔެވެ؟ ތުނބުޅި މަތިމަސް ބަހައްޓާ ފިރިހެނުންނާ ދެކޮޅަށް އިންޑިއާގެ އިންދޯރްގެ އަންހެނުން ހިނގާލުމެއް ބާއްވައިފިއެވެ. މީސްމީޑިއާގައި ދައުރުވަމުންދާ ވީޑިއޯއިން ފެންނަނީ "ހިތާވާން ބޭނުން ނަމަ، ތުނބުޅި ބާލާ" މިފަދައިން ބުނާ ބޯޑުތަކެއް ހިފައިގެން އަންހެނުން ހިނގާލުމެއް ބާއްވާ މަންޒަރެވެ. އިންދޯރްގެ އަންހެން ކުދިންގެ ހިނގާލުން، ފްރީ ޕްރެސް ޖާނަލް އިން ވަނީ ރިޕޯޓްކޮށްފައެވެ. "ނޯ ކްލީން ޝޭވް، ނޯ ލަވް" ކަމަށް މި އިވެންޓުގައި އަންހެން ކުދިން ސާފުކޮށް ބުނެދީފައި ވެއެވެ. މީހުންނަށް މިކަން ވެގެން ދިޔައީ މަޖާ ކަމަކަށެވެ. އަނެއް ބަޔަކު ބުނެފައި ވަނީ މިއީ މިސްމީޑިއާގައި މަޝްހުރުވާން ވެގެން ބަޔަކު ޖެއްސި ސްޓަންޓެއް ކަމަށެވެ. އެކްސްގައި މީހަކު ހިއްސާކުރި މި ވީޑިއޯ ވައިރަލްވެ، އަށް ލައްކަ އަށް ވުރެ ގިނަ ވިއުސް ލިބިފައި ވެއެވެ. https://x.com/gharkekalesh/status/1846886788343750998