ބަނގްލަދޭޝްއިން ކަރަންޓު ބިލު ނުދައްކައިގެން މައްސަލަ ޖައްސައިފި

ބަނގްލަދޭޝަށް ކަރަންޓު ސަޕްލައި ކުރާ އިންޑިއާގެ އަދާނީ ޕަވަރ ޖަރްކަންދު ލިމިޓެޑް (އޭޕީޖޭއެލް) އިން ބަންގްލަދޭޝްއަށް ސަޕްލައި ކުރާ ކަރަންޓު ދެބައިކުޅަ އެއްބަޔަށް މަދު ކޮށްފިއެވެ. ބަނގްލަދޭޝް ސަރުކާރުން ވަނީ އަދާނީ ޕަވަރއަށް ދައްކަންވާ ކަރަންޓު ބިލްތަކަށް ފައިސާ ނުދައްކާފައެވެ. މިހާތަނަށް، 846 މިލިއަން ޑޮލަރުގެ ބިލް ނުދައްކާ ހުރިކަމަށް އެކުންފުނިން ބުނެއެވެ. އަދާނީ ކުންފުނިން ބަނގްލަދޭޝް ސަރުކާރުގައި އެދިފައި ވަނީ، އޮކްޓޯބަރު 30 ގެ ނިޔަލަށް ފައިސާ ދައްކައި ޚަލާސް ކުރާށެވެ. ނޫންނަމަ، އޮކްޓޯބަރު 31 ގައި ކަރަންޓް ސަޕްލައި ކުޑަކޮށްލާނެ ކަމަށެވެ.