އިންޑިއާގެ މަނަވަރު މޮރިޝިއަސްގައި

އިންޑިއާގެ ކަނޑުގެ ސިފައިންގެ މަނަވަރު އިމްފަލް ގެ ފުރަތަމަ ދަތުރުގައި މޮރިޝިއަސްގެ ޕޯޓް ލުއިސްގައި ބަނދަރުކޮށްފިއެވެ. މި މަނަވަރުގެ ދަތުރަކީ، މޮރިޝަސްގެ 57 ވަނަ ގައުމީ ދުވަސް ފާހަގަކުރުމުގައި ބޮޑުވަޒީރު ނަރެންދުރަ މޯދީ ބައިވެރިވެ ވަޑައިގަންނަވާތީ ކުރާ ދަތުރެއް ކަމަށް އިންޑިއާގެ އިންޑިއާގެ ޑިފެންސް މިނިސްޓްރީން ބުންޏެވެ. މި މަނަވަރު މޮރިޝިއަސްގައި މާޗް 14 ވަނަ ދުވަހުގެ ނިޔަލަށް އޮންނާނެއެވެ. އަދި އެ މުއްދަތުގައި، މޮރިޝިއަސް ސިފައިންނާއެކު ޓްރެއިނިން ބާއްވައި ކުޅިވަރު އިވެންޓްތަކާއި ކޮމިއުނިޓީ އައުޓްރީޗް ޕްރޮގްރާމުތައް ކުރިއަށް ގެންދާނެއެވެ. އަދި މޮރިޝަސް ކޯސްޓްގާޑް ބޯޓުތަކާ އެކު ޖޮއިންޓް މެރިޓައިމް އެކްސަސައިޒެއް ވެސް ކުރިއަށް ގެންދާނެ އެވެ. މި ދަތުރުފުޅަކީ އިންޑިއާގެ "ނެއިބަރހުޑް ފަސްޓް" ސިޔާސަތާއި ސާގަރުގެ ތަސައްވުރު ދައްކުވައިދޭ ދަތުރުރެއް ކަމަށް އިންޑިއާއިން ބުނެއެވެ.