ޗައިނާއިން ޓިބެޓް ކައިރީގައި މިސައިލްގެ ނިޒާމެއް ބަހައްޓައިފި

ޗައިނާއިން  ވަނީ އިންޑިއާއާ ގުޅިފައިވާ ސަރަހައްދެއް ކަމަށްވާ ޓިބެޓްގެ ޕަންގޯންގް ކުޅި ކައިރީގައި ވައިގެ ދިފާއީ މަރުކަޒުތަކެއް ހަދާފައެވެ. ސެޓެލައިޓް ފޮޓޯތަކުން ވަނީ އެކަން ހާމަވެފައެވެ. މި ސަރަހައްދަކީ 2020 ވަނަ އަހަރު ހަމަނުޖެހުން ހިނގި ސަރަހައްދާ އެންމެ 110 ކިލޯމީޓަރު ދުރުގައި އޮންނަ ތަނެކެވެ. ސެޓެލައިޓުން ފެންނަ ގޮތުގައި މި ސައިޓުގައި ޗައިނާއިން ވަނީ މިސައިލް ޝެލްޓަރތަކެއް ހަދާފައެވެ. މިތަންތާނގައި އެޗްކިއު-9 ގެ ބިމުން ޖައްވަށް ފޮނުވާލާ މިސައިލްގެ ނިޒާމުތައް ބަހައްޓާފައި ހުންނާނެ ކަމަށް ބެލެވެއެވެ. މިފަދަ އިންތިޒާމުތައް ހަމަޖެއްސުމުގެ ބޭނުމަކީ ލޯންޗަރުތައް ބނުންވާ ހިނދަކު ނިއްވައިކޮށް، އަދި އަވަސް ގޮތަކަށް ހަމަލާ ދިނުމަށް ތައްޔާރުވުން އިތުރަށް ވަރުގަދަ ކުރުން ކަމަށް ބެލެވެއެވެ.