އަންހެނުން ފަލަމީހާގެ ނަމުގައި ފޯނުގައި ސޭވްކުރި ފިރިމީހާ ޖުރިމާނާ ކޮށްފި

ތުރުކީ މީހަކު މޯބައިލް ފޯނުގައި އޭނާގެ އަންހެނުން ފަލަމީހާގެ ނަމުން ސޭވްކޮށްފައިވާ މައްސަލައެއް ކޯޓަށް ހުށަހެޅުމުން އަންހެން މީހާއަށް ދައުވާ ކާމިޔާބު ވެއްޖެއެވެ. ކޯޓުން ވަނީ ދައުވާ ސާބިތުވުމުން ފިރިމީހާއަށް އަންހެނުންނަށް މާލީ އަދި އަޚްލާގީ ގޮތުން ބަދަލެއް ދިނުމަށް ހުކުމްކޮށްފަ އެވެ. މި މައސަލާގައި ދައުޥާ ކޮށްފައި ވަނީ އުސާކް ސިޓީގައެވެ. ދައުވާގައި އަންހެންމީހާ ބުނީ އޭނާގެ ސައިޒަށް ބަލައި އޭނާގެ ނަން ފަލަމީހާގެ ގޮތުގައި ސޭވް ކުރުމަކީ އޭނާއަށް ފުރައްސާރަ ކުރުމެއް ކަމަށެވެ. ކޯޓުން ބަދަލު ދިނުމަށް ނިންމީ ކިހާވަރެއްކަން ސާފެއް ނުވެއެވެ.