އިންޑިއާގެ ފޮރިން މިނިސްޓްރީން ފާހަގަކޮށްފައިވަނީ ރަޝިއާއިން ތެޔޮ ގަތުމާ ގުޅިގެން އެ ގައުމަށް އަމާޒުކޮށް ނުއިންސާފުން ފާޑުކިޔަމުންދާ ކަމަށެވެ. މިއީ އެމެރިކާގެ ރައީސް ޓްރަމްޕް އިންޑިއާގެ މުދަލަށް ނަގާ ޓެރިފް އިތުރުކުރާނެ ކަމަށް ބުނެ އިންޒާރުދިނުމުން، އޭގެ މިންވަރު ބަޔާންކޮށްފައި ނުވާތީ ދިން ޖަވާބެކެވެ.

އެމެރިކާއިން ވަނީ ރަޝިއާއިން ތެލާއި ހަތިޔާރު ގަތުމާ ގުޅިގެން އިންޑިއާއަށް 25 ޕަސެންޓްގެ ޓެރިފެއް ނަގާފައެވެ.

އިންޑިއާއިން ބުނެފައިވަނީ 2022 ގައި ރަޝިއާ-ޔޫކްރެއިން ހަނގުރާމަ ފެށުމާއެކު، ޔޫރަޕަށް ދިޔަ ތެލުގއިެ ސަޕްލައި ބަދަލުވުމާ ގުޅިގެން ރަޝިއާއިން ތެޔޮ ގަންނަން ފެށި ކަމަށެވެ. އިންޑިއާއިން ފާހަގަކުރި ގޮތުގައި އެ ގައުމަށް ފާޑުކިޔާ ފަރާތްތަކުން ވެސް ރަޝިއާއާއެކު ވިޔަފާރިކުރަމުންދެއެވެ. އަދި އީޔޫގެ ތަފާސްހިސާބުތަކުން ދައްކާގޮތުގައި 2025 ގައި އީޔޫ-ރަޝިއާ ވިޔަފާރި 67.5 ބިލިއަން ޔޫރޯއަށް އަރާފައިވެއެވެ.