ހުޅުމާލެ ފޭސް 2 ފަރުކޮޅުފުށި ހިއްކި ބިމުގައި ހިނގި މާރާމާރީއެއްގައި ދެ މީހަކަށް ސީރިއަސް އަނިޔާތަކެއް ލިބިއްޖެއެވެ.
އަނިޔާ ލިބިފައިވަނީ 21 އަހަރުގެ މީހަކަށާއި 34 އަހަރުގެ މީހަކަށް ކަމަށް ފުލުހުން ވިދާޅުވިއެވެ. އެ ދެ މީހުންނަށް ވެސް އަނިޔާ ލިބިފައިވެއެވެ. ފަރުވާއަށްފަހު 21 އަހަރުގެ މީހާ މިހާރު ވަނީ ހޮސްޕިޓަލުން ދޫކޮށްލާފައެވެ. އޭނާ ދޫކޮށްލުމާއެކު ފުލުހުންވަނީ މާރާމާރީ ހިންގުމުގެ ތުހުމަތުގައި އޭނާ ހައްޔަރުކޮށްފައެވެ.
މި މާރާމާރީގެ ރިޕޯޓު ލިބިފައިވަނީ މިރޭ 18:37 އެހައިކަންހާއިރު ކަމަށް ފުލުހުން ވަނީ ބުނެފައެވެ.
މި މާރާމާރީގެ މައްސަލަ ދަނީ ތަހުގީގު ކުރަމުން ކަމަށް ފުލުހުން ވިދާޅުވިއެވެ.
