ބޮލީވިއާގައި މިހާތަނަށް 119 މީހުންނަށް ހިމަބިހި ޖެހިފައިވާކަން ވަނީ ކަށަވަރުވެފައެވެ. މި މީހުންގެ ތެރެއިން ގިނަ މީހުންނަކީ ސަންތާ ކްރޫޒް ސަރަޙައްދުގައި ދިރިއުޅޭ މީހުންނެވެ. މި ބަލިމަޑުކަން އިތުރުވުމުގެ މައިގަނޑު ސަބަބުތަކުގެ ތެރޭގައި އެގައުމުގައި ވެކްސިން ޖެހުމުގެ ނިސްބަތް ދަށްވުމާއި، ވެކްސިންއާ ދެކޮޅަށް ދޮގު މައުލޫމާތު ފެތުރުން ހިމެނެއެވެ.

ބޮލީވިއާގައި ހަލުވިކަމާއެކު ހިމަބިހީގެ ވަބާއެއް ފެތުރެމުންދާތީ، އިންޑިއާއިން އެޤައުމަށް 300,000 (ތިން ލައްކަ) ޑޯޒްގެ އެމްއެމްއާރް ވެކްސިން ފޮނުވައިފިއެވެ. މި ބޭހުގެ ޝިޕްމެންޓް ފޮނުވާފައިވަނީ 2025 މި މަހުގެ 17 ވަނަ ދުވަހުއެވެ. މިކަމުގެ ސަބަބުން ބޮލީވިއާގެ ޤައުމީ ސިއްޙީ ކުއްލި ނުރައްކަލުގެ ހާލަތަށް އެހީތެރިކަން ލިބިގެންދާނެ ކަމަށް ވެސް އިންޑިއާއިން ބުނެއެވެ.

އިންޑިއާގެ ޚާރިޖީ ވުޒާރާގެ ތަރުޖަމާނު ރަންދީރު ޖައިސްވާލް ވިދާޅުވީ، ”އިންޑިއާއަކީ ދުނިޔޭގެ ދެކުނުގެ ބިތުގެ ރަޙުމަތްތެރިންނާއެކު ސާބިތުވެ ހުންނާނެ ޤައުމެއް“ ކަމަށެވެ. މިއީ 2020 ވަނަ އަހަރު ކޮވިޑް-19 ބަލިމަޑުކަމުގައި ވެސް ބޮލީވިއާއަށް އިންޑިއާއިން އެހީތެރިކަން ފޯރުކޮށްދީފައިވާ ގޮތަށް ވެދީފައިވާ އެހީތެރިކަމެކެވެ.

އިންޑިއާގެ ބޮޑުވަޒީރު ނަރެންދުރަ މޯދީ، ވަނީ ބްރިކްސް ސަމިޓްގައި ބޮލީވިއާގެ ރައީސް ލުއިސް އާސޭއާ ބައްދަލުކުރައްވައި ފައެވެ. އަދި، ބޮލީވިއާއަށް ކުރިމަތިވި ފެންބޮޑުވުމުގެ ކާރިސާގައި އެޤައުމުގެ ރައްޔިތުންނަށް އެއްބާރުލުން ދެއްވީތީ އެކަމަށް އާސޭ ވަނީ މޮދީއަށް ޝުކުރު އަދާކުރައްވާފައެވެ.

މޮދީވެސް ވަނީ، އިންޓަނޭޝަނަލް ސޯލާ އެލަޔަންސް (އައި.އެސް.އޭ) ބޮލީވިއާ ގުޅިފައިވާތީ އެކަމަށް މަރުޙަބާ ވިދާޅުވިއެވެ. މި އެހީތެރިކަމުން ދައްކުވައިދެނީ ސިއްޙީ ދާއިރާގެ ކަންކަމުގައި އިންޑިއާގެ ހެލްތު ޑިޕްލޮމެސީގެ ރޯލެވެ. އަދި ތަރައްޤީވަމުން އަންނަ ޤައުމުތަކަށް އެހީތެރިވުމަށް އިންޑިއާ ދޭ ސަމާލުކަމެވެ.